منتديات الشاعر لطفي الياسيني
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
منتديات الشاعر لطفي الياسيني
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
منتديات الشاعر لطفي الياسيني
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات الشاعر لطفي الياسيني

لطفي الياسني ،منتدى لطفي الياسيني شاعر المقاومة الفلسطينية
 
الرئيسيةبحـثدخولالتسجيل
المواضيع الأخيرةمنتدى لطفي الياسينيامساكية 19 رمضانحكاية شلن / كتابات ديك الجن I_icon_minitimeاليوم في 3:02 من طرفمنتدى لطفي الياسينيعقد مؤتمر منظمة المغتربين العراقيين الرابع عشر في العاصمة اليونانية أثينا يومي 4 , 5 من شهر مايو أيار عام 2024حكاية شلن / كتابات ديك الجن I_icon_minitimeاليوم في 0:47 من طرفمنتدى لطفي الياسيني سلم ع غـزة اخوتـي الشجعـان / اللواء الدكتور لطفي الياسيني الشهيد الحي حارس الأقصىحكاية شلن / كتابات ديك الجن I_icon_minitimeأمس في 13:58 من طرفمنتدى لطفي الياسينيجنود الاحتلال يغتصبون امراة حامل في مشفى الشفاء بغزة / د. لطفي الياسينيحكاية شلن / كتابات ديك الجن I_icon_minitimeأمس في 13:29 من طرفمنتدى لطفي الياسينيجريدة المساءحكاية شلن / كتابات ديك الجن I_icon_minitimeأمس في 11:13 من طرفمنتدى لطفي الياسينيمحمد الضيف يدعو للزحف "الآن" نحو فلسطينحكاية شلن / كتابات ديك الجن I_icon_minitimeأمس في 9:25 من طرفمنتدى لطفي الياسينيجريدة صباح الخيرحكاية شلن / كتابات ديك الجن I_icon_minitimeأمس في 8:56 من طرفمنتدى لطفي الياسينيEn muslim beder inde i kirken i Spanien A Muslim prays inside the church in Spain فبراير 22, 2024 Dette er en kirke i Spaniحكاية شلن / كتابات ديك الجن I_icon_minitimeأمس في 7:39 من طرفمنتدى لطفي الياسيني ابراج اليوم ابراج الغد تفسير الاحلام مقالات عن الابراج حظك اليوم حظك اليوم مع الابراج الحب أن أحبك ألف مرة ، وفي كل مرة أشعر أني أحبك لأول مرة - نزار قباني - توقعات الابراج وحظك اليوم الثلاثاء, 27 كانون الاول 2022 برج الحمل من 21 مارس إلى 20 إبريلحكاية شلن / كتابات ديك الجن I_icon_minitimeأمس في 7:37 من طرفمنتدى لطفي الياسيني الطيران المدني خدمة مجتمعية وسيادة وطنية : فارس الجواري* حكاية شلن / كتابات ديك الجن I_icon_minitimeأمس في 7:36 من طرف

أختر لغة المنتدى من هنا


 

 حكاية شلن / كتابات ديك الجن

اذهب الى الأسفل 
2 مشترك
كاتب الموضوعرسالة
لطفي الياسيني
لطفي الياسيني


أمير المقاومين

أمير المقاومين
معلومات إضافية
الأوسمة : شاعر متميز
فلسطين
حكاية شلن / كتابات ديك الجن Pi-ca-10
ذكر
المشاركات المشاركات : 78256
نقاط نقاط : 697394
التقييم التقييم : 313
العمر : 118

حكاية شلن / كتابات ديك الجن Empty
https://yassini.yoo7.com
مُساهمةموضوع: حكاية شلن / كتابات ديك الجن   حكاية شلن / كتابات ديك الجن I_icon_minitimeالسبت 21 فبراير 2015 - 6:17

حكاية شلن / كتابات ديك الجن
----------------------------------------------
مرحبا.. أنا اسمي شلن .. و في شهادة الميلاد اسمي الحقيقي نصف درهم.. انولدت في مطبعة العملة الملكية في ويلز في بريطانيا سنة 1978.. و ما بعرف شو تهيأ للرسام جيفري كولي يومها.. بس لما طلبوا منه يرسم صورة للملك عشان نحملها على ظهرنا شأننا شأن أي مواطن اردني.. رسم صورة الملك وهو تقريبا أصلع.. الله يرحم الملك و يرحم جيفري كولي.. و يرحم كل الصلع.. انشحنت أنا و اخواني ال 19 في لفافة ورقية على متن طائرة عسكرية من royal mint في ويلز للمطار العسكري (تم منع ذكر اسم المطار حفاظا على السرية).. وكانت أول مرة بسافر فيها.... نزلنا من الطيارة.. و حملونا النشامى لمخازن البنك المركزي.. كانت الدنيا شهر واحد و برد شديد.. ولا راعوا انا انجليزيو الاصل و المنبت ولا شي.. .. بعد ما وقعوا اوراق التسليم.. رمونا في المخزن البارد.. وراحوا.. ولا شغلوا التدفئة حتى..
خلال اقل من شهر كنت نازل في السوق.. اول انسان مسكني كان أبو فادي صاحب دكانة النجاح في حي نزال.. راح على بنك الاسكان فرع الجبل الاخضر و هناك فدوى موظفة الكاش الحلوة ام شامة على الخد.. أعطت أبو فادي اللفافة اللي أنا موجود فيها لما طلب فراطة.. و بس طلع من البنك, عدلت فتحة قميصها و دعت عليه أبو عين زايغة اللي قد أبوها.. دخلت درج الدكان أنا و اخواني.. وودعنا بعض لأنه عارفين الفراق قريب.. وهاي طبيعة حياتنا.. قعدت يومين بس في الدرج.. وحكولي الشلون القديمة و البرايز و القروش عن طبيعة البلد و السكان.. مثلي مثل أي مغترب جديد..
من درج أبو فادي وقعني حظي التعس بايد عياش.. ولد في الصف السادس.. كانوا ينادوه عتريس.. مدحبر و أسمر و اله دغاديش و لسانه زفر... أول ما شافني انبسط.. كنت لسه بلمع.. وصلعة الملك بتلمع.. ولما كان عتريس مدمن فنة (ملك و كتابة) .. قرر يعتبرني شلن الحظ.. و طول نهاره يلعب فنة عن قلول حلبية و مش حلبية.. وعن أكل و عن اللي بدك اياه.. قعدت مع عتريس 3 شهور.. طبش راسي من الفنة.. ما خلصت منه الا لما جاع جوعا شديدا في يوم.. و ضحى في مقابل سندويشة فلافل من عند أبو عايد.. مع شطة زيادة..
لفيت بعدها بين ايدين الناس.. شأني شأن أي عملة معدنية.. لفيت الاردن كلها .. من شمالها لجنوبها.. رحلة استمرت 8 سنوات.. متنقلا بين الجيوب و الدروج و محافظ النساء الجلدية و عبب الختياريات... حضرت أفراح وأتراح و ليالي ملاح و ليالي مش ملاح.. وطوش و صلحات و جاهات و زواجات و طلاقات و حردات كمان.. رحت على العقبة.. و رحت البتراء والسيق و ركبت على الجمل (بتدوخ الركبة على الجمل).. وشفت هناك السائحات الأجنبيات .. و كان في سائحة هولندية هولندية (التكرار للتأكيد و أشياء أخرى) كان بدها توخذني تذكار.. بس باخر لحظة بطلت.. شحدتني لولد بتراوي لزق فيها.. وزرت اربد و النعيمة و الصريح و شوينا عند ذات راس كمان.. ورحت عجلون و الشوبك و الطفيلة والزرقا و حي معصوم أو حي مفصوم.. وشفت العقبة و البحر الميت (كنت راح اغرق هناك) ورحت على الشام اربع خمس مرات و نزلت على الضفة كمان و زرت القدس و الخليل و ترمسعيا و الاقصى (بس ما دعيت لحدا ) واعتمرت و حجيت و كفرت و الحدت و كل شي عملت.. ودخلت مطاعم و محامص و سرافيس وتكاسي و باصات و كليات و جامعات و بارات و مراقص و مساجد و كنايس وغرز واوكار .. ما خليــــــت..
لغاية ما في يوم.. كان صيف 1987.. كنت موجود في جيبة كنترول باص و أعطاني لبنت مروحة على بيتها.. حطتني في شنطتها.. سلمت على قلم الروج و علكة شعراوي و قعدت.. لما وصلنا البيت.. حطت الشنطة على الكنباية و دخلت.. و اجا ولد صغير 3 سنين يبعبش في الشنطة.. ومن سوء حظي مسكني..
طبعا كعملات معدنية.. بنكره الاولاد اللي في هذا العمر. لأن أول اشي بعملوه انهم يكتشفونا عن طريق الفم.. وياما اخوة و أصحاب الي انتهوا في أمور مثل هاي.. مسكني الولد الصغير و أنا متوقع نهايتي المحتومة.. لكن الشرير بدل ما يبلعني.. دحش ايده جوا ايد الكنباية.. ووقعني..
وقعت جوا الكنباية اللي أتوقع انها من العصر الطولوني.. (نسبة لأحمد بن طولون) .. دخلت مكان مظلم. فيه بقايا قشر بزر.. قلم رصاص مفطوع.. زر قميص.. وبقايا أشياء بدون ملامح.. سمعت حنان وهي بتبهدل فيه ليش يلعب في الشنطة.. و أخذت الشنطة وراحت. و أنا ما حدا انتبه لي.. وكانت بداية التيه يا يوشع بن نون..
بعد يومين يئست اني أخرج من الجب.. وبدأت أتأقلم على حياتي الجديدة.. و من الأصوات اللي كنت أسمعها تعرفت على العائلة اللي استضافوني في كنبايتهم الطولونية.. صاحب البيت اسمه أبو نضال.. في الخمسين و بشتغل بليط.. عصبي و بصرخ بس قلبه طيب.. الام اسمها .. (عيب أحكي اسمها) .. أم نضال.. في أواخر الاربعين.. ست مؤمنة و ملتزمة و صابرة على الحياة.. البنت الكبيرة حنان 26.. خريجة كلية مجتمع و بتشتغل سكرتيرة لدكتور في جبل الحسين.. نضال 24 بدرس هندسة في رومانيا.. و اله 6 سنين هناك و ما خلص.. و بنت متزوجة اسمها أمل 22 ومتزوجة بليط شاب بشتغل مع أبوها و ساكنة جمبهم... و الشيطان الصغير هو ابنها صبحي.. صبحي الصغير مدوحس..
مع كل سفراتي و روحاتي السابقة و محبسي الراهن الا انني كنت مبسوط.. لأني تعرفت على الناس عن قرب و في أمور ثانية غير البيع و الشراء.. ولان الكنباية الطولونية كانت في غرفة القعدة اللي هي نفسها غرفة الضيوف وغرفة النوم للزوار وغرفة كل اشي تقريبا.. كنت أسمع كل شي بصير.. وكان التلفون قريب جدا.. فبسمع كل مكالمة كمان.
أبو نضال كان وضعه بدأ يصير صعب.. الشغل في البلد قل.. و نضال هلكه بالتحويل و أم نضال بتصبره عليه عشان يرجع بالشهادة اللي طال انتظارها.. و ليل نهار تدعي ربها يوفق نضال و يبعد عنه بنات الحرام الشقراوات الرومانيات.. حنان كانت تتعب كثير في الشغل.. بس مش قادرة تترك.. من جهة كانت تحب الدكتور من طرف واحد.. (زي ما اعترفت لبنت خالتها على التلفون) و من جهة وضعهم صعب.. أمل جوزها بظل يضربها و يحردها.. ووضعه مش أحسن من وضع أبوها..
كانت حياتي مع العائلة حلوة.. أبداها الصبح بام نضال تصلي الفجر وتدعي.. و أبو نضال يصحى و تفطره أم نضال.. و حنان تلبس و تطلع على الشغل.. عال 7 يكون البيت فضي الا مني و من أم نضال وهي بتشتغل.. و تصلي الضحى و تدعي لنضال.. عشت معهم رمضان و العيد و الصيف و الشتا و الصوبات.. وانتظار نضال اللي طول.. في 1988 الملك أعلن فك الارتباط.. و انهار الدينار الاردني و صار في غلاء فاحش.. ومظاهرات.. وضع البلد صار مكركب.. و كثير أيام قعد أبو نضال عن الشغل.. ونضال صفى بدون تحويل.. وصار البيت كله مشاكل و توتر.. ما بقطعها الا صلوات و دعاء أم نضال.. 
يتبع..
في 1989 .. أعدموا تشاوتشسكو.. ورجع نضال بخفي حنين.. لا شهادة ولا هم.. و حكى لأبوه انه كان ظايل فصل و ما كمل عشان الثورة.. ونفس الكذبة انحكت للاقارب.. بس ما حدا صدق..في 1990 صارت حرب الخليج.. وانجلط أبو نضال و قعد في البيت شهرين و مات... حنان فصلها الدكتور بعد ما استغلها.. و تزوجت ابن عمها اللي أكبر منها ب 15 سنة في الضفة.. ورحلت هناك.. نضال طلع على ليبيا و انقطعت أخباره و تحويلاته بعد 6 شهور.. و صفيت أنا و أم نضال لحالنا في البيت..
في 1998.. توفت أم نضال بعد معاناة طويلة.. وانقطاع عن ابناءها.. باعت أمل الاثاث لتاجر خردة و أنا كنت ضمن الصفقة.. خلال يومين كنت حر طليق بعد ما فككوا الكنباية الطولونية.. رجعت ألف بين الناس.. بس كانت نظرتي مختلفة أو الناس كانوا مختلفين و قيمتي الشرائية كانت انحدرت بشكل كبير..
في 1999.. توفى الملك حسين.. كنت يومها مع واحد من الناس اللي وقفوا على باب المدينة الطبية يبكوا.. و استلم الملك الجديد.. و قرر يعدم العملات المعدنية القديمة و يطبع عملات جديدة عليها اسمه.. صاروا يجمعونا لحملات الاعدام.. و في يوم كنت في مطعم و صاحب المطعم أعطاني لشاب.. عرفته من لمسة ايده.. عياش أو عتريس.. كان كبر و بطل مدحبر.. وكانت الحياة لاعبة فيه فنة لشبعانة.. و مطبشة راسه زي ما طبش راسي.. كان يشتغل عامل باليومية.. ثاني يوم نادوه عشان صيانة للمدرسة الشركسية في حي الظهير في مرج الحمام.. كان في تسريب مي من الزينكو على السطح و طلع يزبطه و أنا معه.. لما خلص و اجا ينزل.. وقعت من جيبة بنطلونه.. و اجيت جوا طوبة.. هو انتبه انه في شلن وقع.. بس ما انتبه وين وقع.. تركني و نزل..
الي 15 سنة جوا الطوبة على سطح المدرسة.. و الحلو ان الطوبة فيها فتحة بتسمح لي أشوف عمان.. راقبتها كيف كبرت في ال 15 سنة الاخيرة.. وحمام مرج الحمام كان يحكيلي كيف تغيروا الناس و كيف صاروا أكثر عصبية و نزق.. وكيف مع انه عمان تطورت الا انه الناس فقرت.. و تعبت و كبرت.. والمستقبل أسوأ و أسوأ.. و صعب يرجع زي زمان.. 
مع كل صيف و شتا كان يتغير لوني لغاية ما صرت أخضر.. و زملائي العملات كلهم انعدموا.. عشان يفسحوا مجال للجيل الجديد.. لما بطلع على حياتي وحياتكم يا بشر بستغرب.. أنا أديت مهمتي على أكمل وجه.. ياما أسعدت أطفال و ياما جبت أشياء لناس.. وعشت الحياة بعدهاو عديدها.. كنت قرش حلال و كنت قرش حرام وكنت صدقة و كنت مصروف و كنت سرقة...20 سنة من عمري و أنا أخدم الناس لما انتهت فترة صلاحيتي و صرت بدون قيمة.. و أنتوا مثلي.. راح تأدوا دوركم و تنتهوا.. بس مشكلتكم يا بشر انكم بتعطونا احنا الفلوس قيمة أكبر مما نستحق.. على حساب أمور أهم.. وما بتعرفوا القيمة الحقيقية للفلوس الا ساعة الموت.. بتعرفوا انها مجرد وهم..
لو كنت مكان الملك حسين بزمانه.. كان ما طلبت من جيفري كول يرسم صورتي على العملة.. يمكن كان أحسن لو كتبوا عليها "تزودوا.. فإن خير الزاد التقوى"
الرجوع الى أعلى الصفحة اذهب الى الأسفل
يزن عقل
يزن عقل


الإدارة العامة
الإدارة العامة
معلومات إضافية
الأوسمة : وسام العطاء
فلسطين
حكاية شلن / كتابات ديك الجن Bookwo11
ذكر
المشاركات المشاركات : 202
نقاط نقاط : 36372
التقييم التقييم : 0
العمر : 73

حكاية شلن / كتابات ديك الجن Empty
مُساهمةموضوع: رد: حكاية شلن / كتابات ديك الجن   حكاية شلن / كتابات ديك الجن I_icon_minitimeالجمعة 27 فبراير 2015 - 21:25

حكاية شلن / كتابات ديك الجن Ros
الرجوع الى أعلى الصفحة اذهب الى الأسفل
 
حكاية شلن / كتابات ديك الجن
الرجوع الى أعلى الصفحة 
صفحة 1 من اصل 1
«أستعرض الموضوع السابق | أستعرض الموضوع التالي»
 مواضيع مماثلة
-
»  حكاية البيت الذي تصدر منه أهم القرارات في العالم تم إنشاءه بتاريخ الأحد, 13 تشرين1/أكتوير 2019 18:21 0 Comments في مثل هذا الوقت عام 1792 تم وضع حجر الأساس للبيت الأبيض الأمريكي ليكون المقر الدائم لرئيس الولايات المتحدة، فما هي حكاية هذا الم
»  شكسبير بين عطيل وديك الجن د.عدنان هاشم /لندن شكسبير بين عطيل وديك الجن أهدي هذه المقالة المتواضعة إلى عشاق الأدب والشعر حدث عكرمة قال : كتب شكسبير مسرحية عن عطيل) Othlello) الذي كان
»  حكاية صورة والتي تعادل ألف كتاب !! فوزي البرزنجي حكاية صورة و التي تعادل ألف كتاب في نهاية شهر شباط سنة 1988 قام الجيش العراقي الباسل قبل 34 سنة بعمليات عس
»  طرائف رمضانية.. حكاية البخيل وقتيل القطائف تم إنشاءه بتاريخ الأحد, 09 أيار 2021 11:54 0 Comments طرائف رمضانية.. حكاية البخيل وقتيل القطائف يُعد الشاعر جحظة البرمكي (ت٣٢٤هـ) من مشاهير المتطفلين فى زمانه، وكان من شعراء العصر العباسى الثاني،
»  حكاية صوره أيام الزمن الجميل حكاية صوره أيام الزمن الجميل.الجيش العراقي بين زمنين بقلم / غريب في الغربه يأتي الضبط العسكري على رأس أولويات الأدبيات والتقاليد العسكرية في الجيش العراقي وكافة جيوش العالم ، ويشكل مع الروح المعنوية والعمل بروح ا

خدمات الموضوع
 KonuEtiketleri كلمات دليليه
 Konu Linki رابط الموضوع
 Konu BBCode BBCode
 Konu HTML Kodu HTML code
إذا وجدت وصلات لاتعمل في الموضوع او أن الموضوع [ حكاية شلن / كتابات ديك الجن ] مخالف ,,من فضلك راسل الإدارة من هنا
صلاحيات هذا المنتدى:لاتستطيع الرد على المواضيع في هذا المنتدى
منتديات الشاعر لطفي الياسيني :: القسم الأدبي :: منتدى القصص والروايات-
انتقل الى: