ردتك وطن , أحلى وطن , مو أرض مهجورة : زهير الدجيلي

ردتك وطن , أحلى وطن , مو أرض مهجورة : زهير الدجيلي

ردتك وطن , أحلى وطن , مو أرض مهجورة

زهير الدجيلي

يسكنها قطاعّ الطرق واكلاب مسعورة
ردتك وطن . بيه الفرح عالي أبسماه
وشمسه تضوي ابنوره
مو مقبرة . . مو مجزرة .. مو مسخرة
مو مدن تغزوها الذئاب وبشر مذعورة
ردتك وطن بيه الحياة الحلوة .. بيه الناس تفرح
وطن .. موبس خارطة وصورة
والصورة صارت ست صور, متمّزّقة
ًوأكبال عيني أمراية مكسورة
ردتك وطن , أبو الحضارة من صدق مومن كذب
ّ موجاهلية أمبينة بالإنسان , بالحكام , منظورة
ردتك وطن تنشاف جنة أبكل وقت
موكورة مشتعلة ابجهنم .. أوين مانلتفت كورة
مو بلد بيدين الحرامي
الناس تسكن باألخيام وهو يبني أقصوره
ردتك وطن تضحك لك الدنيا زهيّة
وطن . مو خيمة عزا
والناس تبكي بيها مقهورة
ردتك وطن مو مزربَة
بيها زرابين أجانب خايسة ومطمورة
ردتك وطن كل يوم ينباسّ أبجبينه
الناس عشاق ابهواه
وبالمحبة والورد يبنون سوره
وطن .. مودولة خرائب
بيها مرمية الجثث عريانة مومستورة
مذبوحة باسم الدين تاكلها الكلاب
وأرض كله اقبور محفورة
وطن .. مو دولة أكاذيب وفساد وفهلوة
كلمن أله , وكلمن وناطوره
ردتك وطن محروس بأهله وجيشه
وأجنوده وحدوده وعالي سوره
موجيش شارد, بال قايد . . طرطرة
عايف تفكته ومدفعه وشاجوره
ردتك وطن أتباهى بيه , وأفرح أبعرسه
وبساتينه, وأنهاره , وفرحة أطيوره
ياحيف ياوسفة عليك وعلى هذا الشعب
الضيّع حقوقه ومحّد أيشوره
ياحيف وياوسفه عليك وعلى هذا الشعب
أسمه بالحصاد . ومنجّله مكسور
ومسحاته مكسورة
ياوطن ألحلام يالمذبوح بسيوف الطوائف
وأنا احلامي غدت وياك مغدورة
أ شبقى عندك ؟ غير بس اللطم والدًك عالصدر
والبجي طول ألعمر, والراس مفطورة
أشبقى عندك ؟ غير الاف األرامل واليتامى
والخيام أبكل مكان ومدن مهجورة ؟
شبقى عندك ؟

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين تحية الاسلام جزاكم الله جنة الفردوس الاعلى التي اعدت للمتقين نفع الله بكم الاسلام والمسلمين وادامكم ذخرا لمنبرنا الشامخ شموخ ارز لبنان ان كل مفردات ثقافتي لا تفيكم حقكم من الشكر والاجلال والتقدير لكم مني عاطر التحية واطيب المنى دمتم بحفظ المولى

صفحة 1 من اصل 1