ضرب البلطجي باب المقهى برجلة فوقف جميع رواد المقهى خوفا من البلطجى إلا
شاب كان يجلس وهو شارد الذهن ينظر الى كوب الشاى الذى امامه
فاتجه إليه البلطجي واخذ كوب الشاى من امام الشاب وشربه مرة واحدة ثم
القى الكوب فارغا وقال للشاب ادفع انت بقى ثمن الشاي
بكى الشاب بكاء مريرا
البلطجي:بتعيط عشان خمسين قرش وعامل لى راجل
الشاب:أنا بعيط عشان ماليش بخت فى الدنيا دى كل ماروح شغلانه افشل فيها
ويطردني صاحب الشغل
اشتغلت قهوجي وقعت الشاي والطلبات على الزباين اشتغلت مكوجى حرقت هدوم
الزباين اشتغلت محاسب فى شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسى ورجعت ماشى
بصراحة أنا إنسان فاشل في كل حاجة اعملها
البلطجي : ياة دا انت فاشل خالص
الشاب أمال لوعرفت اللي حصل الشهر اللى فات كنت رايح شغلانه جديدة
فصحيت الصبح متأخر فنزلت بسرعه وركبت عربية جارنا اللى حاططها قدام البيت
ورحت الشغل برضة متاخر
فطردني صاحب الشغل لاستهتارى بمواعيد العمل فخرجت من الشركة فاكتشفت ان
حرامي سرق العربية
فاتهمني جارنا بسرقة العربيه وقبضوا عليا واتسجنت 6 شهور ولسه خارج النهاردة
حتى الانتحار فشلت فيه
البلطجي ازاى؟
الشاب : رحت للبقال واشتريت منه اقوى سم قاتل وجيت القهوة وحطيت السم فى
الشاي عشان اشربه اموت واخلص من حياتى فجيت انته وشربته !!!!
موضوع: هل انت فاشل ؟ 
الجمعة 24 يونيو 2011 - 0:28
المشاركات
نقاط
التقييم
