الى الحاج الشاعر لطفي الياسيني / محمد حسن شريم شريم

الى الحاج الشاعر لطفي الياسيني / محمد حسن شريم شريم
-------------------------------
يا حج لطفي العز خليني ## بشعر الشهامهِ أرفع جبيني
حج شاعر في قلب انسان ## عالخير شعرو ضل يهديني
فلسطين عاشت فيك بالوجدان ## والها عملت من روحك سفيني
وصارت بموجو البحر كلما خان ## تنقل معك من شط لـ مديني
يا حج يا حامل هدى وايمان ## دينك شرف والتضحيي ديني
بعطيك عمري بس تاتنصان ## وانت طولة عمرك عطيني
بهديك من شعري وفا وتحنان ## ومش رح بقلك يا وفي هديني
عنك بيكفيني الأطمئنان ## وتضل في صحه بيكفيني
وما زال لفلسطين حبك بان ## متلك انا قلبي فلسطيني
للقدس عشت وعشت للجولان ## تاالهم عكّر صفوة سنيني
عاليمن عاتونس على لبنان ## عالشام عابغداد ودّيني
عالأردن وعامصر عالسودان ## وعازمزم الما عاد يرويني
وصرنا على الروسي نحط رهان ## ومتلو عاشعب الهند والصيني
ابكي معي يا حج عالأوطان ## ويا تخاذل دم بكّيني
صفّى شرفنا ملطخ ومنهان ## بملوك فوق عروش للزيني
للبغي عاشو بس ، والنسوان ## في كل قصر انحط دزّيني
وانتِ يا حج الشعر يا فنان ## يا ساكن بقلبي وشراييني
يا عطر دلدق حب يا ريحان ## ضل بشعر حساس واسيني
بشعر العروبي ال قاوم الطغيان ## بلكي من جروحي بيشفيني
انتِ لـ تاريخ الشرف عنوان ## يا بن البطولي فيك ساويني
تلاتي يا حج بيخلدو بجنان ## ياسين فيهن اسم تلحيني
ياسين آية رب بالقرآن ## وياسين أحمد في سما الأحرار
######## وبالقدس لطفي الحج ياسيني #######

بكل حب وتقدير وامتنان