دستور يا سيدنا

دستور يا سيادنا
يا سيادنا دستور
دستور يا سيادنا
دكاترة في الجامعات
في العلم قالوا أسياد
الكيل طفح منكم
من الواسطه وبيع
الكتب بالالوفات
في البدل مرسومين
فيهم تعالي مبين
الباشاوية تلغت والباهوية
راحت عليها سنين
ضاعت حقوق الناس
الغلابة الشقيانين
جعلنا الحاكم فرعون
وهامان من الواصلين
ومهنة المحاماة
في مصر هم كبير
يقلب الحق باطل
ويلعب بالبيضة و الحجر
وعيونه جامدين
ودكاترة الطب
اليفط في الشوارع مليانين
كل همهم جمع المال
من الفقرا المرضانين
والأخر يموت المريض
من كثر الدواء والضين
وأخونا المثقفين
على الشاشة ملئ العين
شوية مع مرسي
وشوية مع الباقيين
دستور يا اخونا
الكل عامل فهيم
لابسين حظاظات
عالشاشة منورين
كل يوم بوجه
والطيب فيهم
بوجهين
والثائرين بحق
في الميدان قاعدين
عايزين الخير لمصر
سواء معارضين
أو موافقين
يا مرسي حيرتني
واخدنا ورايح فين
مش عارف
كذاب ولا صادق
أمين
مش عارف
قرارك بإيدك
ولا المرشد
هوا الدليل
يا مرسي خذ بالك
مصر مش إيران
ولا سوريا
سنة وعلويين
مصر نيل الفلاحين
الزراعة كانت حضارة
والمصري واحد
مش أثنين
يامرسي مصر مش
إخوان وملحدين
مصر كلها مسلمين
وإخوانهم مسيحيين
مين شار عليك
تحصن قراراتك
من شار عليك
تشرب النار بإيديك
معاك يا مرسي
في الحق
لكن في الباطل
مش ساكتين
الدستور يا مرسي
مش يوم أو يومين
أو سنة أو سنتين
مش دستور إخوان
ولا سلفيين
دستور لكل المصريين
طلعت محمود

تحية الاسلام والعروبة
ابرق اليك تحية خاصة من مسرى رسول الله سيدنا محمد صلى الله عليه وسلم
ومن مهد السيد المسيح عليه وعلى امه افضل الصلاة والسلام
ان كل مفردات ثقافتي والمعاجم قاطبة لا تفيك حقك من الشكر والاحترام والاكبار
لك مني عاطر التحية
اطيب المنى
ودي قبل ردي
باحترام المناضل الجريح
الحاج لطفي الياسيني

عميد الأدب العربي
الشاعر لطفي الياسيني
شكرا لمرورك وغدا سنرى
شمس الحرية بدستور يلبي
طموحات كل المصريين
مع أطيب المنى
وأرق تحياتي

صفحة 1 من اصل 1