فلسطين دار الوفى

........................................... فلسطين

فْلَسطين دار الوفى والجـــود والإكرام ..... وِحروف إسمك نغم بالكون معزوفــي

ينبـــوع عِزِّه وْ كَرَم يــا مَنبَعِ الإلهــــــام ....... وْتاريخ كلّـــو وَفى وَأمجاد معروفــي

عشْتي عظيمه وْ معِك تاريخ ما ينظام ........ تاريخ كلّــــو مَجد بالدين مَوصوفــي

وْمن يوم جُرحك نزف وِتْبَدّلـــت لَيّــــام ......... عِشتي حزينه بْقهِر ياريت مَنصوفــي

والطير فيكي جفل ما عاد فوقكْ حـــام .......... لِنسور جوّا القفص بتعيش منتوفي

والشيخ جُوّا الحَبس محكوم من حاخام ..... وْ يا خوف أرض القدِس لتبات مكشوفي

الاقصى نزف يا عرب وسلاحنـــــا أكوام ..... وْأجراس صوت المَهِد والدير مكسوفي

وْبستان جدّي إلو مهجـــــور مِن أعوام ....... وْزيتون أرضي بَكى والدّارمجروفـــي

لغياب عنِّك صَعِب وبْعادنـــــــــــا إجرام ......... كل يوم فينا جُرُح وهموم مضيوفي

مِن هيك صار الأمل موجــــود بالأحلام ........ بالنوم صوب البلَد ياروح بتطوفي

دقيت بابِ الحِلِم بعيون مــــــا بتنام ....... تا شوف أهل البلد لحظات مخطوفي

وغنيت أحلا شِعِر كرمالها مـــــــادام .......... بتنــــام أحــلا حِلِم وتفيق بحروفي

اقف اجلالا لعبق حروفك وابحارك في مكنونات
الذات الانسانية فاجدني عاجزا عن الرد حيث
تسمرت الحروف على الشفاه جزيل شكري وتقديري
لما سطرت يداك المباركتان من حروف ذهبية
دمت بخير

رائع الهمس

سيد الرقي
تتراقص النجوم طرباً على

أنغام معزوفتك
كلمات تتقاطر عذوبة وجمالاً

لهمسك شموخ ولحرفك نقاء
لك ولرقي همسك باقة جوري

ننتظر جديدك بشوق
احترامي وتقديري

» شبكة فلسطين الإعلامية ــ راديو/ تلفزيون/ صحافة الكترونية ــ (صوت العرب من فلسطين) ـــ (صوت الضمير العربي من فلسطين):
» راديو مدينة البيرة ــ فلسطين ــ ملتقى كل العرب على أرض فلسطين ــ الصورة الأجمل للعروبة الأصيلة في فلسطين الحبيبة ....
» مقابلة مع شاعر فلسطين الاول الدكتور لطفي الياسيني في اذاعة فلسطين
» مقابلة مع شاعر فلسطين الكبير د. لطفي الياسيني في اذاعة فلسطين
» اهداء الى ( تسونامي فلسطين ) / لشاعر فلسطين الحاج لطفي الياسيني

صفحة 1 من اصل 1