مجروح بعدك يا وطن مجروح / للاستاذ الشاعر الزجال Baseel Bader

Baseel Bader

مجروح بعدك يا وطن مجروح

وبين الجسد والروح تتوجع

راح الجسد وقعو شظايا روح

وبرق ام العين عم يدمع

وينك هجرتي يا حمامة نوح

ستين عام بحلم ما تحقق

قلب صافن عين عم تدمع

حب عذري بيحلم ويعشق

ضعنا وضاع الحلم والمرجع

انشالله منرجع ع قلب خندق

بلكي اذا رجعنا لهاك العصر

منصير نحلم صبح نعشق عصر

ونسكن بخيمه قديمه بالحجاز

اشرف ما نتباهى بفخامة قصر

مجروح بتضلك تقطب جروح

يا وطن يا داعس ع قلب الشرق

والقلب متحسر بيحرق حرق

يشوفك قميص كتير متقطع

ولايق ع جسمك متل طقم البرق

وانت بنور البرق متولع

وتوب يوسف فيك بيطلع

انشالله بترجع عالسهر واللين

ويسكر ع خمر الدم مرجعنا

ونولع نجوم شموع بفلسطين

ونرجع من بعد كتير ما رجعنا

وبرحمة القدس وبفية الأقصى سلام

الرب بالايمان يجمعنا