............امي................... / Ghassan Massoud

Ghassan Massoud

............امي...................

من عاطفة وإحساس مجبولي

  وروحك بجوهر خام مصقولة.

يا أول الأسماء فوق التم

  ما بتكمل من دونك طفولة

  يا عطر ما تبخر ع كثر الشم

ومنك عطور الزهر مخجولة

  كل الشذا من طلتك بيعم

لما بأرض البيت بتجولي

يا نبع ما بينضب ع لثم وضم

  بالعطف انتي غير معقولة

ياما حملتي فوق همك هم

  بقلبك تخبي وآخ ما تقولي

تيقطر الدمع البعينك دم

  ومع هيك تبقي أم مسؤولة

  وكلما الشمل بوجودك بيلتم

كل الهموم تصير محلولة

  كنوز الدني مش قد فرحة إم

تهدهد طفل عا زندها وبإيد

تضفر بشعر البنت جدولة .

...................

رحم الله والدتي وكل الأمهات اللواتي أصبحن بجوار ربهن ..وكل عام وأنت الى الله اقرب شيخنا الفاضل ....مع كل الود .تلميذك غسان