[ الدرس الأول ] .. الأساسيات

السلآم عليكم ،

حياكم الله جميعاً في أول درس في دورة أو ورشة الفتوشوب ،

طبعاً .. لا أخفي عليكم حجم المعاناة يللي وجدتها في شرح الاساسيات [ الدرس الأول ] .. الأساسيات ShababSmile221

[ الدرس الأول ] .. الأساسيات ShababSmile221

لأنو بصراحة ما عرفت من وين أبدأ ووين انتهي بكل جزئية

لانو للاداة الوحدة الها مجالات كبيرة جدا جداً ..

فـ بالنهاية أرتأيت إلى أنو في هالدرس يكون عنا شرح موجز سريع

ومجمل لكل اداة ، بس لنعرف كيف طبيعة كل اداة وشو عملها بشكل عام

أما الفرعيات والمهارات والفنيات لقدام ..

::

طبعاً كنت حريص جداً إني ما اكسب الدورة صفة الممل من اولها

فـ دايما الاساسيات بتكون جامدة وهيك بتحسها زنخة بس لا بد منها

فـ ما بدي اطول فيها نهائيا ..

رح ناخدها ع عجالة ، وننزل بسسسورعة ان شاء الله للدروس التطبيقة

والفنية يللي من خلال رح نستكشف شغل الادوات هاي فعلياً ..

::

لانو لو مثلاً بدي اقولك اداة التحديد بتحدد اي جزء بالصورة وممكن هالجزء

المحدد تلونه او تقصه او تنسخه وبعدها هيك بتروح وبتيجي وبتعمل

هيك حيكون بشكل ممل .. ومش حتوصل الفكرة

بس لما نشوف عملي ، حيكون ان شاء الله بشكل اجمل وافضل ،،

::

رح نبدأ نعرف بالامور الاساسية في المشاركة التاليية )

نبدأ :

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1362 * 729 و حجم 69KB.

هي صورة الفتوشوب اول ما نفتحه ،

طبعا حتفتح معاك نوافذ غير هيك اول ما تفتح الفتوشوب

بتسكر كل شيء ما عدا الموجودين بالصورة ..

مش انهم مش مهمين بس ما بلزمونا هلأ

::

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1094 * 62 و حجم 12KB.

هاي شريط القوآئم .. يللي فيه فايل وايدت ووو زي ما انتوا شايفين

كل شيء الو استخدام .. بس هلأ مش وقتو ،

بلزمنا نعرف انو من خلال قائم file بنجد new

[ الدرس الأول ] .. الأساسيات Down

وبعدها بفتح لالنا هاي الشاشة ..

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 576 * 339 و حجم 28KB.

يللي من خلالها زي ما انتوا شايفين ، اسم الصورة

القياسات .. طول وعرض " بالبكسيل طبعاً "

نوع الالوان .. Red Green Blu .. RGB

الالوان الاساسية .. هاي ما بنلعب فيها ،

والرزليوشن بردو ما بنلعب فيها ،

Background .. لون الخلفية شو يكون ..

::

[ الدرس الأول ] .. الأساسيات Down

بالصورة ..

في مربعين ، الاول اسمو المستعرض ،

يللي بستعرض كل اجزاء الصورة ..

لما نكبر الصورة كتير كتير .. من خلاله بنقدر نتحكم بسورعة في حركتنا ..

حالياً مش مهم ،

بالمربع التحت .. وهو أهم أهم أهم مربع في البرنامج كله

وهي قائمة الليرات .. أو الشرائح ،

رح يجي تفصيليها بشكل ممل لقدام ان شاء الله ،،

::

الأن نبدأ في قائمة الادوات يللي ع الجنب ..

[ الدرس الأول ] .. الأساسيات Down

تقريباً هاي اهم 6 ادوات بتلزمنا في بداية التصميم

والباقي اكيد مهم بس لقدام ،

ما بدي اشرح كتير كلام عليهم ، رح اخليكم تستكشفوا مهامهم

من خلال التطبيق العملي ،

لكن زي ما انتو شايفين لازم نعرف انو الاولى مثلاً تحديد التانية تحريك وهكزا ،،

::

طبعاً في بعضهم بتلاقي جنب الاداة في سهم اسود صغير جداً

هاي معناه .. انو لنفس الاداة ، في اشكال تانية

يعني اداة التحديد مثلاً .. في تحديد مربع ، او مستطيل

بشكل اخر .. في تحديد دائرة ،

اداة التعبئة ، في تعبئة تدريجي وفي تعبئة كاملة

لوك هير :

[ الدرس الأول ] .. الأساسيات Down

لنصل للاشكال التانية :

يما اما بنضغط على الاداة الاصلية كليك يمين فتظهر لنا القائمة الفرعية

يا اما ضغطة طويلة على كليك يسار فتظهر لنا القائمة الفرعية ..

::

الأن اهم جزئية في درس اليوم نعرف شو يعني لير " Layer "

أو الشريحة ..

الأن هاي الشرائح هي يللي رح تحمّل عليها عناصر التصميم

بمعنى .. الأن بدنا مثلاً نصمم صورة للاسرى ،

بدنا سياج " سلك شائك "

قضبان حديد .. واحد اسير ، صورة الاقصى مثلاً ..

الان هاي الامور رح نحطها ع الشرائح ، او الليرات

وكل مجموعة عناصر على نفس اللير .. رح نتحكم فيهم مع بعض

يعني عملنا تأثير الظل للير 1 مثلاً .. رح كل العناصر يللي عليه

يصير لالهم ظل ،

لهيــك .. الأفضل الأفضل الأفضل

ولحتى لو خربت معاك اي جزئية في التصميم

انو تعمل كل عنصر ، او كل جزئية على لير خاص

لحتى تقدر تتحكم في جميع عناصر التصميم

وما تكونو زي اللي بقطع من جلدو

الاشي ببلاش يعني [ الدرس الأول ] .. الأساسيات ShababSmile221

::

كل الحكي هادا رح يبين ان شاء الله بالفيديوهات الجاية ..

الفيديو الأول :

شرح للتحديد والتعبئة بشكل عام

http://www.mediafire.com/?6wnm86ew505ka44

الحجم : 8 ميجا ..

---------------------------------

الفيديو التاني :

شرح لليرات والية عملها وفكرتها ،

http://www.mediafire.com/?1yalp1pydpxcgyr

الحجم : 5 ميجا

::

اي استفسارات انا جاهز ،

وان شاء الله بالدرس التاني بنتناول اداة الفرشآه + الممحاه + اداة كتابة النصوص

::

تح ـياتي ،،

» [ الدرس الثاني ] .. الأساسيات (2)
» [ الدرس السآدس ] .. الفوآصل ..~
» [ الدرس السآبع ] .. المحآكآه ..~
» [ الدرس التاسع ] .. Animation ~
» [ الدرس الرآبع ] دمج صورة في نص

صفحة 1 من اصل 1