حناني ميــــــا الإدارة العامة
معلومات إضافية
الأوسمة :   المشاركات : 23996  نقاط : 218493  التقييم : 15 العمر : 82
 |  موضوع: أُسكت وليدي شجاك ؟؟ لا يروح يسمعنا أحد ويغضب علينا التراكتور!!. جلال جرمكا  الخميس 9 مارس 2023 - 11:56 | |
| أُسكت وليدي شجاك ؟؟ لا يروح يسمعنا أحد ويغضب علينا التراكتور!!. أُسكت وليدي شجاك ؟؟ لا يروح يسمعنا أحد ويغضب علينا التراكتور!!. يگولون عيش وشوف العجايب والغرايب ولكن يا جماعة الخير ما شفت أغرب من اللي ديحصل داخل مجتمعنا العراقي ، نعني صدگ لو گالوا : الفيل يطير و الديج يبيض و ...الخ
سكتنا من نسمع :
رجل دين يحمل رتبة لواء!.
حافي وماكو بجيبة دينار وهناك صارلك مليونير ويحچي بالدافتر!!.
يحمل شهادة اكاديمية من سوگ مريدي ويصير سفير بدولة أوربية!.
أمي ما يعرف الچك من البك بالسياسة ويصير محلل سياسي ويملك قناة فضائية!.
مصدر الدجلة و الفرات من ايران!!.
أمسوية صطعش عملية تجميل و تدعي كونها شيخة و ثروتها من عرق جبينها و ما عدها اية علاقة بالسادة المسؤلين وادگول راح ارشح للبرلمان وافوز بأكثر الأصوات وبعيدة كل البعد عن المنكر والسهر والعلاقات المشبوهة !!وصار الليل والمحروسة ليليه بالملاهي وليالي حمراء و طگ اصبعتين و هز رگبة وطش فلوس( بالدولار) و ماعدها اية حصة بالملهى ومجرد زبونة و قضاء وقت للفرفشة واللي وياها هم اولاد خالتها( نعني مو غربة!) وعلى ميزها قناني الشمبانيا والويسكي وعشرات الصحون من المقبلات و هزي يا بطة الى مطلع الفجر و خارج الملهى ينتظرها السايق وسيارتها موكلش !اشترتها بمخمس وعشرين دفتر!!...صادقة لأبو موزة و مسكينة و مظلومة !!.
وعشرات الغرايب و العجايب اللي ما يخش بالعقل لكن أنگول هذه كلها فترة و مادوم وتزول مع زوال العملاء والمأجورين وكلها تنتهي ، لكن المصيبة والطمة الكبرى حينما يدخلون الأفكار الشاذة والخبيثة والشعوذة والأكاذيب بأدمغة الناس الغلابة والمساكين.
واللي يجنني شلون هالناس يصدگون اشياء ما يخش حتى بعقل الأطفال؟؟؟.
الحچي هواية ومابيدنا شىء غير القهر و الكتابة والمعضلة هذولة حتى القرأة مايقرون ينتظرون شوكت رجل الدين ( وانت ماشي) يفتي ويمشون على هذه الفتاوى اللي كلها تصب بمصلحة اصحاب الفتاوي ولاغير!!.
----------
رسالة عتاب من الأخت ( ز. ع) من محافظة المثنى ، تقول:
خوية جلال ، ليش ما تكتبون عن حالات اغرب من الخيال في المحافظات ، ترة راح ننفجر من القهر ، خوية الجمهورية اللا اسلامية دتلعب لعب بعقول الخلك بالأخص الشباب و الله العظيم اذا تمشي الحالة هيج راح نفقد الوطن والشعب والأقتصاد و ألأخوة والقرابة والعقل و الغيرة و نلتهي بالخزعبلات و الأفكار المجوسية القذرة.. على سبيل المثال:
بواحدة من مدن المثنى الناس و الوادم كلها ملتهية بتركتر( ساحبة ) خربانة و ماخذينها مرقد امام وضريح وصانعة معجزات عيونكم ما شافت:
اللي ما تحبل تاخذ قطعة خضرة وتشدها على الصالصنصة المزنجرة و تطلب منها ان تحبل و تجيب وليد وإلا زوجها حالف بالتركتور اذا هالسنة ماحبلت إلا يزوج عليها!!.
طلاب حتى الجامعيين يهرولون عالتركتور بلكن ينطيهم مرادهم وينجحون بالأمتحانات!!.
اللي مرشح نفسه للأنتخابات البرلمانية والمحافظات( رياجيل و نسوان) فورا على التركتور بلكن بجاهه يفوزون بالأنتخابات واذا فازوا راح يبنون بناية حلوة اله خاطر بعدها لا شمس ولا مطر!!.
والأغرب يا خوية:
اللي تطلب مراد لازم أتچلب بالصالنصة.
اللي يريد ينجح بالأمتحانات يجيبلة مندر ويچلب بالتاير الخلفي ويظل يتوسل لتحقيق مراده!!.
اللي يريد يفوز بالأنتخابات يچلب بالتايرات الأمامية ويظل يتوسل!!.
اللي يريد بوظيفة رئاسية و ينجح بالتجارة والسرقة والكلاوات يچلب بالستيرن ويگعد على المقعد!!.
الغريب هناك ناس يبالغون بقدرة وعظمة هالتركتور المزنجر بحيث يجعلون من الديك حمارا و يشيدون بمعجزاته اللي اغرب من الخيال!!.
و الزوار مو بس من محافظتنا بل حتى من بقية المحافظات وهذه طمة كبرى الله يستر!!.
وهكذا ياخوية.. عليك الله وداعت العراق العظيم أفضحونه هالخزعبلات وجزاكم الله الف خير... واللي مايصدك خلي يشوف الصورة:  ---------وأنا أگول وبعلو صوتي و ما اعرف أضحك لو أبچي:صدمتيني يا أختاه!!؟؟ معقولة هالحچي؟؟العالم تطورت بشكل لايصدق و بكل المجالات واهلنا هناك يصدگون هالحچي؟؟.أنا أصدكچ وشفت الصور بعيني وقريت الأخبار عن هالحالة وحالات أخرى ولكن أنا اعتب على الشباب الواعين وبقية المثقفين والجنوب مليانة بالناس اللي تفتهم وجنوبنا انجبت مفكرين وعلماء و شعراء واطباء ومهندسين ..ياترى وين راحت علومهم ، شلون يصدگون كلاوات وخزعبلات من هالقبيل!!؟؟.أملي كبير بأنها حالة استثنائية وتزول مع الأيام واهلنا هناك يعودون كما كانوا وينعلون ذاك اليوم الأسود يوم أحتلونا الأمريكان وايران وتعاونوا وخططوا لهذه الحالات والأفكار المسمومة..المشكلة اذا اعترض احدهم على هالحالات الشاذة يعتبروه لو ملحد لو من بقايا النظام السابق!!.الف شكر يا أختنا العزيزة يا العراقية الأصيلة وكثر الله من أمثالك و الف شكر.الى اللقاء بلقاء اخر و حكاية جديدة اذا الباري انطانا عمر راح انعيش وانشوف.أخوكم / رئيس التحرير | |
|
حناني ميــــــا الإدارة العامة
معلومات إضافية
الأوسمة : المشاركات : 23996 نقاط : 218493 التقييم : 15 العمر : 82
| | موضوع: رد: أُسكت وليدي شجاك ؟؟ لا يروح يسمعنا أحد ويغضب علينا التراكتور!!. جلال جرمكا الخميس 9 مارس 2023 - 14:23 | |
| الأخ العزيز الاستاذ أبا الان الوطني العراقي الغيور السامي المقام والجزيل الأحترام . تحية محبة تقدير واعتزاز واحترام وبعد : في الحقيقة أنا أتابع مقالاتك القيمة منذ سنوات ومعجب بها لانك تكتبها وأنت تعيش معاناة العراقيين في ظل الغزاة المحتلين الاشرار وبأسلوب مبسط ومشوق ومعبر تعبيرا صادقا لجميع مكونات الشعب العراقي العظيم تفهمه كل شرائح المجتمع لانك وطني غيور تحب العراق وتعيش تفاصل حياته في هذه الفترة المظلمة رغم عيشك في أرقى وأحلى بلد أوربي ,, سويسرا ,, منذ سنوات طويلة , وكتاباتك القيمة من خلال مجلتكم الثقافية بامتياز ,, الكاردينيا ,, الغراء والتي أتابعها بشغف كبير , ما ذكرته في مقالتك الاخيرة يجسد تجسيدا حيا ما يعانيه المواطن العراقي المغلوب على أمره منذ 20 عام والحبل على الجرار , وما يحدث في العراق من أمور غريبة عجيبة هو كارثة حقيقية وماساة كبيرة قل نظيرها في التاريخ البعيد والقريب وكل ذلك جرى ويجري بعلم ورعاية الغزاة المحتلين الاشرار الهدف منه تهيئة الاجواء المناسبة لتحقيق أهدافهم الشريرة للاستيلاء على حضارته والاستيلاء على ثرواته وتشريد شعبه وأفقاره والقضاء على العلم والمعرفة فيه وما قتلهم للعلماء العراقيين في مختلف المجالات وفق برنامج ممنهج ألا تأييدا لما ذهبت اليه ,فبارك الله فيكم وبكل قلم حر يشاركك الرأي في هذا الوقت العصيب , ورعاكم وحفظكم وأمد بعمركم لمواكبة الاحداث عن كثب , والنصر ات لا ريب فيه ان عاجلا ام اجلا لان التاريخ يؤكد لنا بان الشعوب لم ولن تموت أبدا , ولا يصح الا الصحيح والبقاء للاصلح , وان غدا لناظريه قريب أن شاء الله وبهمة رجال العراق الشجعان الاغنياء عن التعريف وعلى مر الزمن . أخوكم أبو فرات
موقع البيت الارامي العراقي
ميونيخ / المانيا | |
|
لطفي الياسيني  معلومات إضافية
الأوسمة :  المشاركات : 80135 نقاط : 713946 التقييم : 313 العمر : 118 | | موضوع: رد: أُسكت وليدي شجاك ؟؟ لا يروح يسمعنا أحد ويغضب علينا التراكتور!!. جلال جرمكا الخميس 9 مارس 2023 - 22:06 | |
| اقف اجلالا لعبق حروفك وابحارك في مكنونات
الذات الانسانية فاجدني عاجزا عن الرد حيث
تسمرت الحروف على الشفاه جزيل شكري وتقديري
لما سطرت يداك المباركتان من حروف ذهبية
دمت بخير | |
|
