حناني ميــــــا الإدارة العامة
معلومات إضافية
الأوسمة :   المشاركات : 23351  نقاط : 210513  التقييم : 15 العمر : 81
 |  موضوع: بغداد يا عشگ الأزل : ميسون نعيم الرومي  الأحد 20 مارس 2022 - 20:44 | |
| بغداد يا عشگ الأزل ميسون نعيم الرومي بغداد يا عشگ الأزل -(بغداد) يا عشگ الأزل – شوگ اودفو بحضانهه
كل شارع اوبيت اودرب – ريـحة وفـَه باعـْطافهه
والنخـله وي طرت الفجر – اتشـع بالدفو انفاسهه
-(فختايـه) والبلبـل غـرد – نورس حمام اصحابهه
والناي للشـاطي يحـن – وكت العصر يـحلالهه
***
يا (دجله) عشگـتهه الشمس – تغـْـفـَه تنام ابمايهه
والگـمـر ليـليـّه يجي – فضـَّه يطـِش وابگاعهـه
قـدّاح واقـرنفـل ورد – عـِطـْره يـِـفـِح بكتارهه
ميـوَتـْهه وامخضر طـَعم – مثل العـسل اعنابهه
والگاع لو نـَـثّ المطر- ريحة عـِـطر باترابهه
***
بساتين النخل ما تنوصف – تلمع ذهب ارطابهه
-( بغداد) حـلوه امدلله – لگعـِد واحني اجدامهه
أم (النبايه) ابكل زمن - انجوم السمه خلخالهه
بالشـَعر تتباهه اوتـِنـْـثـِرَه – لون الكحل,, لجتافهه
كرخ اورصافه اوالجسر- عيون (المها) ابنياتهه
***
-(بغداد) أمّي اوهلي – ابروحي تنز اجراحهه
يحبـيـبه طال الظلم – ضيم الچـثـيـر الصابهه
حلوه ، أبـيـّه ، امعدّله – لفـَّـت ولدهـَه ابشـالهه
-(بغداد) مرمرني البعد – روحي تحومي ابابهه
يمته الخلاص اشوكت؟ – ضحكه ترد لشفافهه
ضحكـتهه ترد لشفافهه
------------------
20/آذار/2022
ســــتوكهولم | |
|
لطفي الياسيني  معلومات إضافية
الأوسمة :  المشاركات : 78580 نقاط : 700624 التقييم : 313 العمر : 118 | | موضوع: رد: بغداد يا عشگ الأزل : ميسون نعيم الرومي الإثنين 21 مارس 2022 - 1:37 | |
| | |
|
لطفي الياسيني معلومات إضافية
الأوسمة : المشاركات : 78580 نقاط : 700624 التقييم : 313 العمر : 118 | | موضوع: رد: بغداد يا عشگ الأزل : ميسون نعيم الرومي الثلاثاء 22 مارس 2022 - 2:19 | |
| | |
|
