عمي تشتري هذا الديچ؟؟ صدگني خوش ديچ هراتي* أصلي ، تشتريه لو...؟؟!!!!

عمي تشتري هذا الديچ؟؟ صدگني خوش ديچ هراتي* أصلي ، تشتريه لو...؟؟!!!!

عمي تشتري هذا الديچ؟؟ صدگني خوش ديچ هراتي* أصلي ، تشتريه لو...؟؟!!!!

بأختصار الأخوة الحرامية عملاء ايران لأنه ما يعتبرون العراق بلدهم الأصلي وبما أنه ياخذون التعليمات و التوجيهات من اسيادهم ملالي ايران و أكيد الجماعة هناك لايمكن ان ينسوا السم الذي تجرعه چبيرهم لذلك هدفهم الأول والأخير تدمير العراق من كل النواحي.

بدأوا بجيل الشباب وشوفة عيونكم ترسوا البلد مخدرات بكل انواعه ومصدر هذه الأفة من خوالهم وعمامهم بقم وطهران.
بعدين تفشي الأمية بشكل لايصدق في وقت ما خلت العراق من الأمية وبشهاد اليونسكو و باتت الجامعات العراقية من ارقى جامعات المنطقة.
اليوم خريج جامعة ما يگدر يكتب جملة مفيدة والمصيبة هواية منهم حتى اعضاء بالحكومة وبرلمانيين جابوا شهادة ماجستير ودكتوراه ( في تطوير الجاجيك والفسنجون ) من يم خوالهم وصدقوها بالجهات المختصة و تعينوا وواحدهم اذا ما ادگوله دكتور يزعل ومو بعيدة مايمشي معمالتك و اذا كنت موظف عنده يوبخك!!.
بعدين اجتهم تعليمات بتدمير اقتصاد العراق و تحطيم المنشأت وفي المقدمة النفطية من مصافي وانابيب وغيرها حتى نعتمد على استيراد المشتقات النفطية من خوال وعمام الجماعة!!.
هالأيام الحچي كله حول تفكيك و سرقة مصفى بيجي اللي يعتبر من اكبر مصافي في المنطقة وبالحقيقة كان هذا المصفى بمثابة خير وبركة لأنحاء العراق.
طيب شلون وشنو الحل بالنسبة لملالي ايران؟؟؟.
استغلوا وجود ارهابيي داعش والمعارك اللي دارت بمحافظة صلاح الدين وهذه فرصة ما تتكرر، تعالوا فككوا المصفى وشيلوها على ظهر شاحنات ونقلها الى جهة مجهولة وبيعها بثمن بخس!! يا للخسارة.
الطمة الكبرى كل رؤساء الوزارات يعرفون بالسالفة من ياجماعة فككتها وشلون شحنوها وبيش انباعت؟؟ ولكن ولا واحد منهم تجرأ وگال: يامعودين هذه اموال العراقيين حرام عليكم رجعوها!!.
والحرامية معروفين لكل العراقيين ولكن واحد يذبها عالثاني وبيناتهم لفلفوها و تقاسموا الملايين كانه مالة اجدادهم جابوها وياهم من ايران ومن حقهم يتصرفون بيها!!.
------------------
رسالة من الأخت ( أم ايمان) من محافظة ميسان:
خوية جلال صار فترة انتابع شغلة سرقة مصفى بيجي وهنا تذكرت هذه السالفة ياريت لو تنشروها وماندري نضحك لو نبچي على حال وطننا بيد الحرامية والجواسيس؟؟.
واني اگول : مو تدللين اختنا العزيزة.. والسالفة هي:

ديج و طوبة!!

سالفة ورباط ولد راح لأبوه گله:يابه أريد 3 آلاف أشتري طوبه..
گله أبوه:ماعندي ولي من يمي..
گله:ماعليه أريد أشتري طوبه أريد فلوس..
گله أبوه:گتلك ماعندي..عندك ديچ روح بيعه وأشتري طوبه..
گله:الديچ مريض مينباع بألفين دينار..
گله أبوه:مااعرف روح من يمي ماعندي..
الولد أخذ الديچ وگام يفتر بي يريد يبيعه محد إشتراه..گال ماكو غير ام غايب السحاره تشتري مني..
راح دگ الباب طلعت ام غايب گالتله:هلا بعد رويحتي تعال فوت خلي ابوسك من زمان ماشايفتك..
فات للبيت گللها:خاله اريد ابيع هذا الديچ ، تشتري؟؟
فجأه إندگت الباب..گالتله:ولك هذا رجلي بس يشوفك هنا يكتلك تعال اختل بالكنتور!!.
راحت فتحت الباب طلع مو رجلها واحد ثاني متفقه وياه اول ماگعد إندگت الباب..
گلتله:عزه هذا رجلي گوم اختل بالكنتور..فات ختل بالكنتور..طبعا بالكنتور ظلمه
الولد دغ الرجال گله:تشتري هذا الديچ؟؟
گله الرجال:اشش..نصي صوتك ليسمعنا رجلها..
گله الولد:والله اذا متشتري الديچ راح أصيح..
گله الرجال:إشش بيش تريده؟؟
گله:ب 50 الف
گله الرجال:عزه شو غالي شدعوه!!!
گله:تشتريه لو أصيح ويسمعنه رجلها؟؟
گله الرجال:هاك 50 الف واخذ الديج..
وره شويه الولد گله: تبيع الديچ؟؟؟
گله الرجال:لامابيعه اسكت..
گله الولد:لامو بكيفك تبيعه واذا متبيعه اصيح..
گله:يله ابيعه بيش تاخذه؟؟
گله الولد:ب 3 الاف..
گله الرجال:ولك مو هستوني اشتريته منك ب 50 الف!!.
گله:اذا متبيعه والله اصيح..
گله الرجال:جيب 3 الاف واخذه حسبي الله عليك..
وره شويه گله الولد:تشتري الديچ لو اصيح؟؟
گله الرجال: بيش؟؟
گله:ب 100 الف..
گله الرجال:والله ماعندي دخيلك مابقه بجيبي فلوس چفيني شرك..
گله الولد:براحتك لعد راح أصيح..
الرجال طلع 100 الف وانطاهن للولد وأخذ الديچ..
وره شويه الولد گال للرجال:تبيع الديچ؟؟
گله: هاك اخذه بلاش عمي بس خلصني..
وره فتره اجت المره فتحت الباب گالت للولد اطلع بسرعه وطلع الولد يركض وطلع وراه الرجال..
الولد راح اشتره طوبه وعزم اصدقائه بالمطعم وبقن عنده فلوس هوايه والديچ هم بقه اله..!!.
راح للبيت لگه أبوه عيونه تتجادح..
گله:يابه تشتري الديچ؟؟
أبوه گله:كلب ابن الكلب ماكفتك ال150 اللي اخذتهن مني بالكنتور؟؟
گله:يابه تشتري الديچ لو أگول لأمي هههههه... نفس قصة أغراض مصفى بيجي
أرجع وأگول:المصفى انباع كذا مرة و بالأخير المستفيد الأول والأخير عملاء ايران ( الأبن ابو الديج) في وقت الذي الحكومة ( أبو الولد) تعرف كل الحقائق لكن الويل لها اذا كشفت الحقيقة واشرت على الحرامي الأصلي وين يروحون من ملالي ايران(أم الولد) !!.
والولد شفتوا شلون أستغل ابو وهدده بفضحه أمام أمه والناس ، لذلك المسكين الأب ( لأنه ضعيف ولا حول ولا قوة وخوفه من الفضيحة) اختار السكوت وهو الممنون!!.
لأنه أقل كلام راح ينفضح فضيحة مدوية و يفقد ما تبقى من سمعتة و عشيقته (أم غايب) وينطرد من البيت للشارع و ......!!..لا عمي لاء السكوت احسن شىء طززز بالفلوس اللي خسرها ! المال يتعوض ولا ينطرد و يتبهذل بالأخص على أساس هو محترم ومتدين ( مثل الأحزاب الموالية لأيران) في نظر الكثيرين ،والوادم شمعرفها شلاتي وطايح حظه ويدور سوالف امكسرة وفوكاها جبان!!.
الى اللقاء الى سالفة اخرى من بلد العجايب اذا الباري انطانا عمر.. في أمن الله.
*افضل انواع الديوك يستخدم للصراع و المراهنات في كثير من دول العالم.
أخوكم / رئيس التحرير

عمي تشتري هذا الديچ؟؟ صدگني خوش ديچ هراتي* أصلي ، تشتريه لو...؟؟!!!! 079.Jl

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
...ارز لبنان
ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى

» مجلس صلاح الدين يرد على رئيس الجمهورية: قرارنا أصلي ومرسومكم فرعي
» ساعة واحدة · ‏قطر تشتري ساحة لمصارعة الثيران في برشلونة ليتم تحويلها الى أكبر مسجد في اّور ساعة واحدة · نقرتين لعرض الصورة في صفحة مستقلة قطر تشتري ساحة لمصارعة الثيران في برشلونة ليتم تحويلها الى أكبر مسجد في اّوروبا
» بكم تشتري الجنة ؟!
» أسرة إماراتية تشتري كعكة عيد ميلاد بـخمسة وسبعون مليون دولار
» البابا “يبكي” على العراق: أصلي من أجل السلام في هذه الأرض الحبيبة