السلام عليكم ورحمة الله وبركاته
هذي محاوره جرت بيني وبين الشاعر
عبدالله الدوسري من دولة الكويت عسى ان ترضي ذائقتكم الراقيه
عبدالله الدوســــــــــــــــــــــــري
سلام الله عليكم يا ملوك الشعر والقيفـــان
سلامٍ معه باقة ورد ممزوجه بريح العود
أنا شاعر ولد شاعر ولي عقلٍ ولي لسان
أبي شاعر يحاورني يقول أنا هنا موجود
عبيدالله المجيريشــــــــــــــــــــــــــــــــي
هلا يامرحبا ترحيب وافي يرضي الضيفان
هذا الترحيب من درع الحجاز وعسكر البارود
انا مسرج حصاني يالساني واللسان احصان
ولا ارد الضوامي لين تارد عدها المارود
عبدالله الدوســــــــــــــــــــــــــــــــــــري
ضحاضيح الخلا يا صاحبي ما تروي الضميان
نصيحه يا عبيدالله وفر باقي المجهود
تحدر لك مع وادي تسند لك مع وديان
رمتك بجرهد الصحرا رداوة حظك المقرود
عبيدالله المجيريشـــــــــــــــــــــــــــي
انا اقرر كلامي ووزنه في كفة الميزان
ولاني بالخفيف اللي تلاعب به هبوب النود
هل الاسلام ماتدفن جنايزها بدون اكفان
ولكن الجنايز عقب ماتدفن طعام الدود
عبدالله الدوســــــــــــــــــــــــــــــري
أنا خابرك يا درع الحجاز توفّــــي الديــــــان
وانا خاف الديون السابقه لاابطت عليك تزود
توالي الوقت ماتلقى الجنايز في البــــلد دفـــّــــان
يموت الدود في بطن الثرى جوع ٍ وهو محسود
عبيدالله المجيريــــــــــــــــــــــــــــي
الايالدوسري بالهون لايلعب بك الشيطان
تراه ان خش بك سبب قلق ناموسة النمرورد
ترى عش الغراب اللي بنى لعياله الغربان
سواد الريش فيها والطبايع والوجيه السود
عبدالله الدوســــــــــــــــــــــــــــري
ليا منّ الشياطيـن الرجيمـه دقـت البيبـان
رمينا إبليس وعياله وتباعـه بسبـع حيـود
لنا التاريخ يشهد بالبياض ابّيعـة الرضـوان
وراعي الفيل لولا البوصلة ما حصّل المقصود
عبيدالله المجيريشــــــــــــــــــــــي
انا لوقلت ويش ابطاك قلت ملهي الرعيان
الا ياملهي الرعيان لاتثني رقاب القود
اثر خطوتك من وادي الدواسر لين خشم العان
تسوق الدله الصفرى وريح ابهارها معقود
عبدالله الدوســـــــــــــــــــــــري
سحاب الصيف لامنه سرى تطرب له البدوان
مخاييله تجود أحيان وأحياناً مهيـب تجـود
هماليله عديمة نبت ما تنبـت لـه القيعـان
ولكن فترة الوسمـي منابتهـا تسـر الـذود
عبيدالله المجيريشــــــــــــــــــــــــــي
علام الدوسري ينحر خلاء خالي بلا سكان
ويارد يم مارد دهر مايذكر عليه اورود
لياقل النظر شفت البشر تعكز على عيدان
ولا نشره على الاجواد يوم اتقدم الموجود
عبدالله الدوســـــــــــــــــــــــــري
اشوف احمد نجاد يزوّر التصويت في طهران
ولا تثبت له الحجّة ليا صارت بدون شهـود
ليا ضاع المفتّح واهنـيّ اخوانـه العميـان
ولا يشره على التجّار ناس ٍ دخلها محـدود
عبيدالله المجيريشــــــــــــــــــــــــي
انا ياكيف افهم جاليه من شعب باكستان
على قول المثل تعبت حالي و الهنود اهنود
انا اصرف من حسابي وانت تاخذها سلف يافلان
تجمعها من الاسلاف غير اللي تجيك ارفود
عبدالله الدوســـــــــــــــــــــــــــري
علامك يا المجيريشي لعبـت بحسبـة البلـدان
شهادة الابتدائي ما اسعفتْك بهرجـك المسـرود
يقولون العرب يا ( خان ) وهْم اللي بعضهم خان
عطينـاه الذخايـر والتّوالـي عـوّدت بسكـود
عبيدالله المجيريشـــــــــــــــــــــــي
اناحاكم بلد وانته عليه تعلن العصيان
لك الله ما بفكك لين احدد يومك الماعود
اناكم قلت لك طيع الاوامرياولدمرجان
بطاقتك الجديده خذتها من فيصل ابن سعود
عبدالله الدوســــــــــــــــــــــــــــري
صحيح انّك مخنجر والشنب كنّه قصر دسمان
لكَنّ الحكم يبغى قلب ما يبغى عضل واعضود
قبل فيصل وابوه وقبل ما يهديكـم الرحمـن
عبيد ابوي حجّت مير ما جا عبدنا مسعود
عبيدالله المجيريشــــــــــــــــــــــي
لك الله مايظلك غير ظل الطير ابو جنحان
ولولا الطير ابو جنحان كان امديك في الاخدود
رجع من حجته وامسى بحضن اسهيف الذرعان
وجيتم منه صوره طبق الاصليه شعروجلود
عبدالله الدوســـــــــــــــــــــــــري
ابو جنحان قبل يطير عشه مدهـل العقبـان
ويومنّه نبت له ريش نتّفته حبـش وزيـود
نياقك نوّخت للترك واضربها الجمل عثمـان
وجيتم منه صورة طبق الاصلية شنب وخدود
عبيدالله المجيريشــــــــــــــــي
مقهوي للشيوخ ولاانت ماخذ سيرة الشيخان
لكن يمكن ترقى لين تصبح قهوجي هليود
اناادري انك شجيع ابن الشجيع وتلحق السرحان
ولااحدا يلق السرحان غير اللي قوي اجهود
موضوع: محاوره ساخنه 
السبت 19 نوفمبر 2011 - 7:21
