شفايت النا لو قدوري النشال حاكمنا و ساكن المنطقة الخضراء!!

تم إنشاءه بتاريخ الأحد, 04 تموز/يوليو 2021 08:15 كتب بواسطة: جلال جرمكا

26 Comments

   

الأهم بأن ديننا الأسلامي الحنيف حكم على السارق والسارقة بقطع اليد حتى يكونوا عبرة للأخرين!.
لكن البشر راح يتعظ و يعوف هالشغلة؟؟.
ما أظن كون اللي تربى على شىء حتى لو كانت عوجة مايتركها ( من شب على شىء شاب عليه)..
اليوم ماشاء الله بصاية الشيطان الاكبر و جمهورية الملالي المتخلفين هناك آلآف من الحرامية (عديمي الضمير) بكل المؤسسات الحكومية وحتى أغلبية البرلمانيين و رؤساء الأحزاب كلهم حرامية ونشالة حتى العظم ، ويتسابقون ياترى منهو منهم راح يسرق أكثر حتى لو على حساب تجويع الشعب وحرمانهم من ابسط الخدمات مثل الماي والكهرباء ومعالجة البطالة والأمراض و المخدرات وغيرها!!.
وهذه مو خافية على العالم، لاء وحتى عدد من البرلمانيين وعلى شاشات التلفزيون اعترفوا بهذه الشغلة ومن دون مستحى وبكل وقاحة منهم ( حنان الفتلاوي و مشعان الجبوري) و غيرهم.
يبوگون بوضح النهار وما يخافون لا من الباري ولا من العدالة ولا من غضب الشعب ، الظاهر ما قارين تأريخ وقسوة الشعب العراقي، اذا انقلبوا عليهم والله لايخلون طشارهم ماله والي وواحدهم (الحرامية) لايشوف الديك حمارا لابل فيلاً !!!.
[size=32]مرات حتى النشال البسيط هم عنده ضمير ويخاف الله.. تعالوا نسمع هذه القصة الحقيقية:[/size]
قدوري نشال معروف بسوق الهنود في البصرة بمنطقة العشار بالخمسينات من القرن الماضي!.
قدوري ما يبوگ تجار السوق يگول بيناتنه زاد وملح!!... وقدوري ما ينشل من جيوب الفقره يگول ذوله ناس مساكين!!.
فد يوم قدوري شاف واحد أفندي دخل للسوگ تبعه وفي وسط الأزدحام نشل محفظة الأفندي..
قدوري معتاد ياخذ الفلوس الي بالمحفظه ويتركها بمكان يمكن مشاهدتها اذا فيها اوراق مهمة لو مستمسكات ،هو صح نشال بس عنده غيرة ..
نرجع لمحفظة الافندي:
گعد قدوري بمكانه بالگهوه خله خنجره على الميز وهذه أشاره لجماعته النشاله وابو الگهوه يعني أكو شىي غير طبيعي .

[size=32]ياحسافه ياقدوري اطلع من قبرك وشوف نشالة وحرامية اليوم شكاعد تسوي!!؟؟.[/size]