ردا على Yheaa Warwar / للشاعر العروبي لطفي الياسيني

ردا على Yheaa Warwar / للشاعر العروبي لطفي الياسيني
------------------------------​-------------------------
يا يحيى وروار .............. ويا البقية
انا لطفي............ عميد الشاعرية
قبل ما تخلقك امك ....... مسجل
على الكوشان......... اسمي والهوية
انا ابن القصور......... الكان فيها
كافور................ واتباع الرعية
قبل ما ينظم المتنبي........ شعرو
كنت في الشعر.... شيخ الابجدية
انا للعبقرية...............جامعتها
انا استاذ ............ جيل الاولية
انا للشاعرية.............مدرستها
بحور الشعر........ ناقشها باديه
قبل شوقي...... وقبل ابن المعرة
وقبل قيس...... وليلى العامرية
انا لطفي الياسيني... من زماني
عميد الشعر....... قبل الجاهلية
اذا بدك يا وروار ....... المعنى
شروقي مع ضروبي... وهودلية
انا بلبل زجل.... من بطن امي
انا الموهوب ....من رب البرية
ملايين الزجل.... ناظم بعمري
دواوين الشعر.... تشهد عليه
كتبت الشعر عن صدق العبارة
عن فلسطين عن امي القضية
وعن بغداد.... عنوان الحضارة
وعن صدام.... تكريتي الهوية
ملاحم بالشعر... لكل حارة
عن الشهدا ...واسرى الادمية
عن الثوار...... تعرفني المنارة
وجبل عيبال لبنان وسورية
بشيكاغو كنت صادح المنبر
وفي اليونان ارض الشيشانية
وقبل ما ينخلق يوليوس القيصر
شكسبير...... الدعاية العالمية
اسم لطفي مسجل على الدفتر
ع سور القدس فوق الجثمانية
وقبل الاخطل.. وبشار ....عنتر
ابن زيدون .. ولادة ......الغنية
كنت بالسيف وحصاني الابجر
انا بقطع..... رؤوس الشاعرية
بقى اخجل على نفسك تستر
انا جايب عصي....مع بندقية
اذا بدك....... تشابك بالايادي
عصي الرمان..... ضربتها قوية
واذا بدك رصاصة المشط جاهز
انا زيتت........ مشط البندقية
فلسطيني.... انا ماني.... مخير
شهيد الارض او دولة عصية
على الشعار..... شاعرنا تخيير
الك مني....... من الاقصى تحية
----------------------------
للشاعر العروبي لطفي الياسيني