بكائية على الاقصى قبل التقسيم والهدم / د. لطفي الياسيني

بكائية على الاقصى قبل التقسيم والهدم / د. لطفي الياسيني
-------------------------------------------
يا زائر الاقصى ....... بشهر نيسان
سلم على الساحات ...... واهديها
قلو لطفي الياسيني ... اليوم حزنان
ودموع عينو على الوجنات ببكيها
الاقصى بقيد الوغد ..... والزعران
وينك صلاح الدين ..... تحميها
اربع عقود باسر مرهون للسجان
ما عاد اسمع اذان الصلاة يحييها
والسور عاف الجند .. والطغيان
وين الخليفة عمر ... يفتح ضواحيها
وين العروبة انتهت يا حسرة الفرسان
النتن تحت الرواق الحفر واطيها
نامت جيوش العرب لا حرب لا عنوان
والقدس بيعت لاسرائيل شاريها
يا حسرة القدس فتح في القدس عميان
واعمى صدور البشر ناسيها
ارض النبوة وقبلة الاركان
اسراء احمد مع المعراج ماضيها
مولد مسيح البشر من قبل وايزمان
للروح عيسى كنائس في اعاليها
ما عاد اسمع وقع اجراس مع اذان
خيم عليها غراب البين ساطيها
تهجير قسري للاهل والسكان
حتى المباني ممنوعين نبنيها
فرضوا علينا الهوية وصادروا الاطيان
اغراب صرنا وبنو صهيون غازيها
لعبوا علينا لعب بالدجل والحرمان
في بيت اسود قضيتنا خوافيها
دولة فلسطين اسم ما الو .. عنوان
وحدود هشة وجدار الوغد حاميها
هذي نصيحة شاعر عايش الازمان
مخضرم بعتم السجن بدي اوصيها
الحق ما برجع بلا ..... نيران
والقوة بدها قوى تصدق معانيها
غير الرجوع اليوم للقران
ما عاد ترجع لو المليار بيجيها
بكفي ضحك عاللحى يا نائم بقمران
ثلاثماية وتسع سنوات.... بكفيها
------------------------
د. لطفي الياسيني