بديت باللي يعلم السروالغيب!!!! خليل بن مسفر الطلوحي

بديت باللي يعلم السروالغيب!!!! خليل بن مسفر الطلوحي

--------------------------------------------------------------------------------

____ بسم الله الرحمن الرحيم____

هذهِ القصيده كتبتها ولقيتها في حفل عنزه التكريمي لبنا عمهم الطلوح وابنهم غبد العزيز كريم الطلوحي المتبرع بثلثي كبده لبن عمه

بديت باللي يعلم السروالغيب
.................اللي بسط سبع(ن)وسبعً رفعها
اسم الله اللي نسجد اليه وانيب
...............مشفي الجسوم الي شكت من وجعها
ومن بعد ذكر الله رهبه وترغيب
..........................بذكره تنال نفوسنا مقتنعها
ورد الوفى شف القلوب الملابيب
............................ ردة ثنا يامودي العلم اشعها
وابا اشكر ربعي كاملين المواجيب
............................اللي اللعلوم الغانمه تصتنعها
ربعي بني وايل عزاز المجاذيب
..............................علومهم بالطيب كل(ن)سمعها
تكريمكم يالغانمين الغواليب
..............................ومقامكم سر النفوس ونفعها
شكراً لكم عداد رش(ن)سواكيب
........................وعداد بذور الزرع واللي زرعها
بسم الطلوح مسجله بالمكاتيب
........................تحمل اورود ونفحة المسك معها
انا لهم مندوب ظمن المناديب
...........................و انا الفخور بوايل ومجتمها
الفكر شاش ورتب القاف ترتيب
...........................خاوى النجوم وليلته ماهجعها
هام وتعلى فوق روس المراقيب
...............................راز الطويله والمنيفه طلعها
صعد لبن عناز قدر(ن)وتوجيب
............................من ساس وايل مسكنه مرتفعها
انتم لنا عن حر لفح الواهيب
..........................وحنا لكم لوصاح صايح فزعها
اسهومنا تصطي على العظم تصويب
..............................وعين(ن)تنظركم بالغضب نقتلعها
الدم ماهوا مي بين الاقاريب
..............................طبيعة(ن)رب الخلايق طبعها
كذا بني وايل بشرق وتغريب
...............................وكل البسيطه في مجامع اصقعها
رجالهم يشب بالطيب ويشيب
.................................وراثة(ن)مع درة امه رضعها
والدهمشي يعطي وكله مكاسيب
............................ماهو بمحسب قيمة اللي دفعها
يمانهم تعط العطا وتكسب الطيب
.....................سيارة(ن)للمحتفابه وضعها
شكراً لكم يامكملين المطاليب
.........................نفعة رفاقه يوجر اللي نفعها
دهامشه يوم السنين الشلاهيب
............................شبات حرب (ن)والعدو مايخدعها
محددة بالهوش حرش العراقيب
..............................تحدي(ن)لطامع اللي طمعها
يثنونها دون البني الخراعيب
........................كم سابق(ن)جيش الدهامش قشعها
يتلون ابن مجلاد ذيب المعاطيب
...............................كم سابق(ن)ظمن القلايع قلعها
غدير موت ومنهل(ن) للاصاحيب
............................روس(ن) يكرمها وروسٍٍ صفعها
بالرمح ولا بالسيوف المحاديب
................................كم نايحه مقتل ولدها فجعها
على المهار اللي تبوج العباعيب
................................عين(ن) يكحلها وعين(ن)فقعها
تاريخ شامخ فوق شم الاهابيب
............................الى الليوم جزلات المراجل ولعها
والشيخ ابن عايش على البال ميغيب
..................................هزاع صفات المكارم جمعها
المنهل الصافي عذي المشاريب
...................................دخل علوم الطيب مع متسعها
هزاع هازالمجد بهمه وتهذيب
.................................المرجله والطيب يمه هزعها
وابناه مثله بالاداء والاساليب=
................................رجال طيب وطيبها الي رفعها
روسان تكثربالمظيف التراحيب
.......................... كم حايل(ن)كف السنافي جدعها
كذا احفاد التغلبي وايل كليب
.......................ترقى الصعود وروسها ماتخضعها
احفاد ليث(ن) يرهب اعداه ومهيب
.............................روس القياصر بالمهند قطعها
يوم جت جيوش الفرس صف وجناديب
.........................وعن الدخيله جيش وايل ردعها
وقفة خيول الغازيه صابها الريب
............................صطوات وايل بالهجوم تخرعها
اقفوكما ذيب(ن) وراه المشاهيب
..............................جاه البلا من العويه اللي زلعها
عرين وايل يارثه شيب من شيب
..................................مادامت الدنيا تسيربسنعها
وكل القبايل مابهاعيب(ن)ايعيب
..............................يمنى تحب الطيب محد(ن)منعها
نعم(ن)برجال الطيب قربه وجانيب
................................... اللي تبينّ بالمكارم ورعها
عند الصمايل يفتلون الاشانيب
.............................اليا جتهم الدعوى يوقف نزعها
مديحهم فيه الطرب والتعاجيب
...............................والحرف يلقى مفخره يتبعها
ماهو مديح(ن) بالخدع والاكاذيب
................................يبغا المديح بدعة(ن) يبتدهاه
يصير وضعه مثل دلو الذباذيب
.............................هاذا يقدمها وهاذا صمعها
وصلو على اللي ادب الشرك تاديب
.........................الي تماثيل الظلاله شلعها
--------------------------------

خليل بن مسفر الطلوحي

بديت باللي يعلم السروالغيب!!!! خليل بن مسفر الطلوحي EmF43142

بديت باللي يعلم السروالغيب!!!! خليل بن مسفر الطلوحي EmF43142

» الحاضر يعلم الغايب منقول....
» شهادة دكتوراة فخرية الى عميد ملوك الزجل الفلسطيني المرحوم احمد خليل الشيخ خليل ( ابو هشام الجلماوي ) من المجلس الاعلى للاعلام الفلسطيني مقدمة من رئيس المجلس د. لطفي الياسيني
» ديارا يعلم أنه خارج خطط مورينيو في مدريد
» * رسالة تعزية ورثاء للشاب (زيدان خلف خليل) من ابنـــاء الطائفة الايزيدية الذي توفي في اليونان بحادث مروري مؤسف * ،، بسم الله العظيم وبسم جميع أوليائه الصالحين ،، الاعزاء في عائلة الشاب (زيدان خلف خليل) الكريمة ,, المحترمون ,, .
» لمن لا يعلم ماذا فعل الشاباك بفيديو شاليط ( حرب الادمغة ) ؟!

صفحة 1 من اصل 1