............................ راجعلك يا بيت
مِن غُرْبِتي وْ مِشْوارْها
مَلّيْت .......
لِقصور وِالأموال
ما حبّيْت .......
حَبّيْت أحلا بَيْت
كان صْغير .......
فِيّو الصِّبا واجْمَل
حِلِم خبّيْت ........
يا بَيْت رَغْم صْغير
قلْبو كْبير ......
وْ عَحْجار بانيها الوَفى
غفّيْت .........
عِشنا سَوى لِحروب
وِالتدمير ......
وْعَ اطْفال مَلّت خوفها
حَنّيْت .......
شُفْتك بَعِد لسنين
بالتصوير ......
عَتبان عم بتقول
لَوْ ضلّيت ......
وانْسيت إنّو غْيابنا
تهجير ......
يا رَيْت فيّي عُودْلَك
يا رَيْت .......
يا بيتنا المهجور مهما
يْصير .......
سْراج الأمَل لَرْجوعنا
ضوّيْت ......
بكره الشّمِس بتزورنا
بكّير ......
تِكتِب صَباح الخير
عَ عْبوابك ........
وتكون بفْلِسطين أحلا
بَيْت ........
المشاركات
نقاط
التقييم
موضوع: راجعلك يا بيت 
الجمعة 4 أكتوبر 2013 - 2:44
