سكران الوطن سكران / محمد الذهبي

سكران الوطن سكران  / محمد الذهبي 
----------------------------
سكران الوطن سكرانْ
والمزّهْ مصايب
والاعداء اخوانْ
×××
سكران الوطن ياحيف مايصحهْ
سكر من شاف اولادهْ
غدوا جرحهْ
ولكه اعيون الخجل وكحهْ
وتحسر من زمان الخان
سكران الوطن سكران
×××
مالومك على عيونك غشاوة ليل
ماكو اكحيل
يدفع عيلة العايل
ولاظل حيلْ
وعيونك تصد ابعيد
تلكه اعيونهم دفّان
سكران الوطن سكرانْ
×××
ابتلينه ابعشرة البذات
ماهلّت ادموعه من سمع كولات
كالوا مات
وعيونه النمل ياكلها من اسنين
او زوار المكابر ليل ومتيهين
جفن ماظل يجفن الزين
وبعيونه الدمع خجلانْ
سكران الوطن سكرانْ