تحية إكبار
للشاعر : د. أمين المومني
هذا الفلسطيني
لليل شمعْ ونهار
وكوفيتو بلون السما
ع رقبتو إصرار
وعشق الوطن مثلو أبد ما صار
يا موطن الأحرار
صار الشعب ... كل الشعب ثوار
حتى الصبي متزنر ابزنار
كله فشك وسلاح لو بحجار
تيقارع المحتل
وصار العدو محتار
واليوم يا شعب العرب
شوفوا على الشاشات شو اللي صار
غدر (النتن) غزه
بالليل مش بنهار
وهمّه صيام ابشهر للرب للجبار
عيونهم قدحت غضب
وعروقهم شبت لهيب و نار
ظن (النتن) جيشو طلع مشوار
ما بيعرف انه النعش جاهز
واتجهز المسمار
وبعد الشهر يا خيبتو
عرف (النتن) شو صار
هربت جيوشه من صخر جبار
هرب الجرو مذلول
ومعفر ابشحبار
وقال اسكتوا
وقال واستروا اللي صار
فكرو إجا ت يهد صروح اكبار
او يهدم الأنفاق
ويقتل الثوار
لاقى العجايب يا عرب
بكتائب الأحرار
قسّام سموهم
إسم ل فارسٍ مغوار
بركان كلو لهب
او جحيم
لجحافل الغدار
من بين الصخر طلعوا
ومن زهرة النوار
او من فوق السما نزلوا
و ابقوة الإصرار
تيفهموا انو الفلسطيني
لهب واعفار
بوجه (النتن) ت ينصلي في النار
* * *
بعد الشهر جابو خبر
هدنة نصر لفيالق المختار
من أرضها غزه
و اتكللت بالغار
جابوا صور
والقلب هب وطار
جابوا خبر عن ألف دار ودار
وشهدا من كل العمر
كبار صغار
بسماتهم ع اوجوهم شعلة أمل
تبني ركام الدار
ت تعيد فرحتها بسواعد الثوار
ظن (النتن) أنو النســـا ابغزه
دمعاتهم أنهار
وشافوا النسا كل النسا الخنسا
و ابقلب جبار
هاذي حكاية شعب بسواعد واصرار
وقلب الأسد ما يهاب مهما صار
وقلب الجبان (النتن) مستقرضوا من فار.
.................................................. اللهم تقبل الشهداء واجعل مثواهم الفردوس الأعلى
المشاركات
نقاط
التقييم
موضوع: تحية إكبار 
الإثنين 11 أغسطس 2014 - 22:11
