شـَـعـَـبـْـنـَـه يـاكـل نـَـسْـتـَـلـَه
ميسون نعيم الرّومي 
شـَـعـَـبـْـنـَـه يـاكـل نـَـسْـتـَـلـَه احكـومـَـتـْـنـَه واتـجـيـب امـنـيـن
بـَـس ذَهـَـب تــْـمـلـك طـَـنـيـن
شـَـعـَـبـْـنـَـه يـاكـل نـَـسْـتـَـلـَه
حـامـض حـِلـو سـولـَـه إلـَه
هـذا أسـاس الـمـشـكـِـلـَه
مـَـسـقـول اجـانـَه امـن الـصيـن
احكـومـَـتـْـنـَه واتـجـيـب امـنـيـن
***
شـَـعـَـبـْـنـَه يـاكـل بـَـس كـيـك
(نـادَت بـها انـطـوانـيـت)*
بـَـقـْلاوَه وَيـّـه الـچـكـلـيـت
امـطـَـيـّـن الـراس اوبـالـطـيـن
احكـومـَـتـْـنـَه واتـجـيـب امـنـيـن
***
شـَـعـَـبـنـَـه صايـر مـَـدْلـوع
زِبــل اويـدَورامـن الجـوع
يـرْكـض اوگـَـلـْبـَـه الـمـَـشـلـوع
شـَـعـْب الـعـِراق الـمـسـكـيـن
احكـومـَـتـْـنـَه واتـجـيـب امـنـيـن
***
نـايـبـْـنـَـه حـَـقـَّـك يـاعـَـم
نـاسـي الـفـگـر نـاسي الهـَـم
جـَـتـْكـم مصيـبـَه اويـه الـسـَـم
الـكـَـرش صايـر مـَـتـريـن
احكـومـَـتـْـنـَه واتـجـيـب امـنـيـن
***
شـدّوا الحـِـزم عَ الـلـبـطون
نـوّابـنـَـه .. اويـحـتـاجـون
بـاگـَـوْ ... ابـسـِـد الـقـانـون
مـنـْهـم نـِـهـَـب (إبـن الـديـن)*
احكـومـَـتـْـنـَه واتـجـيـب امـنـيـن
***
أتـعـَـس حـكـم يـابـَـغـداد
أرْضَه اونـَـمـل وَي اجـراد
مـن سـيـنـهـم .. حتى الصاد
عَ الـبـوگ .. بـَـس مـتـَـفـقـيـن
احكـومـَـتـْـنـَه واتـجـيـب امـنـيـن
***
يـاشـَـعـَـب سـَـوّي الـريـجـيـم
خـَـصر الحـلـو مـثـل الـريـم
شـفـْـنـَـه الـقـَهـَـر شـفـنـَه الضيـم
شـدّوا العـگـل يـاگـَـرْعـيـن
احكـومـَـتـْـنـَه واتـجـيـب امـنـيـن
***
الـْبـِگـَـه ابـراس الـمـَـسـؤول
عـِـرْضَه مـتـْـسـاوي اويـه الـطول
اسـم الله عـَـلـيـه الـمـَـدْلـول
خـايـف عـَـلـيـه امـن العـيـن
احكـومـَـتـْـنـَه واتـجـيـب امـنـيـن
***
نـايـب سـيـاسـي اوچـَـذّاب
حـَـلـل الـبـوگ .. اومـاتـاب
جـَـرْح الحـسـيـن الماطاب
يـتـْـبـَـرَّه مـنـكـم لـِحـْسـيـن
احكـومـَـتـْـنـَه واتـجـيـب امـنـيـن
***
يـوم اويـجي اوتـنهـَـزمـون
ابـسـَـعـف الـنـَخـَـل تـتـعـَـلگـون
ابـنِـعـل الـعـراق اتـبـوسـون
-(ايـن الـمـَـفـَـر) گـولـوا امـنـيـن؟
احكـومـَـتـْـنـَه واتـجـيـب امـنـيـن
بـَـس ذَهـَـب تــْـمـلـك طـَـنـيـن
-------------------
-(إبـن الـديـن)*:- قال النائب جلال الدين الصغير مخاطبا العراقيين
ان يكفوا عن اكل النستلة لكي يقتصدوا في المصاريف الشهرية
انـطـوانـيـت:- ماري انطوانيت ملكة فرنسا عندما ثار الجياع في فرنسا مطالبين بالخبز
قالت قولها المشهور (لماذا لا يأكلون الكيك )
---------------------------------------
شباط / 2016
ســـــــــــــــتوكهولم
الگاردينيا: شكرا استاذة ميسون تظلين مبدعة.. يا جماعة تصفيق لشاعرتنا الرائعة..
المشاركات
نقاط
التقييم
موضوع: شـَـعـَـبـْـنـَـه يـاكـل نـَـسْـتـَـلـَه ميسون نعيم الرّومي شـَـعـَـبـْـنـَـه يـاكـل نـَـسْـتـَـلـَه احكـومـَـتـْـنـَه واتـجـيـب امـنـيـن بـَـس ذَهـَـب تــْـمـلـك طـَـنـيـن شـَـعـَـبـْـنـَـه يـاكـل نـَـسْـتـَـلـَه حـامـض حـِلـو سـولـَـه إلـَه هـذا 
الأحد 28 فبراير 2016 - 4:37
