حناني ميــــــا الإدارة العامة
معلومات إضافية
الأوسمة :   المشاركات : 23996  نقاط : 218493  التقييم : 15 العمر : 82
 |  موضوع: > > صديقي يكول اني بلندن و عندي Home Sick !!! > خوية رحمة لوالديك ، أشو : > الطبيب اللي يعالجك عراقي > طبيب ا  الإثنين 16 أغسطس 2021 - 1:59 | |
| صديقي يكول اني بلندن و عندي Home Sick !!!خوية رحمة لوالديك ، أشو :الطبيب اللي يعالجك عراقيطبيب الاسنان عراقي ..الممرضة اللي تضربك أبرة عراقية ..الصيدلي عراقي ..المقاول اللي يبنيلك لو يصلح شي عراقي ..المقهى اللي تكعد بيه صاحبه عراقي و كل اللي بيه عراقيين ..ابو الخضرة التشتري منه عراقي..الكصاب عراقي..ابو المخبز عراقي ..حتى الحفافة اللي تروحلها مرتك عراقية ..المطاعم ماشالله كلها عراقية وماشالله اللافتات تلعلع بنص لندن ، بغداد ، كركوك ، سرجنار ، مسكوف ، أزمر ، الانعام ، ابو عفيف ، رانيه ، و كلشي ممكن تاكل حتى باجه ..سايق التكسي عراقي ..تمشي بالمحلات تسمع القشبة بالعراقي ..اذا واحشك الفشار و المسبة امشي ب Church Street تشبع سماع فشار و مسبة و بلغة أهلنا و عيونك و كأنك بسوك الصدرية .واحشتك الجنابر روح لسوق Shepherd Bush حتى جفية و عكال ودشداشة تلكه و تكدر تشتري .وين ما تكعد تسمع الله بالخير اغاتي ..التلفزيون ماشالله كله قنوات عراقية ..حتى مجتمعك الافتراضي على الفيس بوك كله عراقيين ..النشاطات الثقافية و الاجتماعية عراقية ..واذا عاجبتك التظاهرات بالعراق ، هنا ماشالله كل كم يوم اكو وحدة مثلها و حتى شايلين لافتة مرسوم عليها نصب الحرية حتى تحس نفسك بساحة التحرير ..عمي حتى الأركيلة عراقية..و في بغداد تلاكي ناس يحجون انكليزي اكثر من هنا ..وبعاشوراء ، في بغداد ما يكطعون شارع الرشيد بس هنا يكطعون اوكسفورد ستريت من ورة المواكب ..و القاري و القراية و اللطم و الزنجيل عراقية.حتى درباشة و ملوي و مواليد و قراية ذكر اذا انت من ربعها موجودة ..ما باقي بس يكتشفولنا امام مدفون هنا نسويله ضريح و نسوي زيارة و نشد علك و نطلب نذر !!بعد شنو .. انت بمحافظة لندن ، جمهورية العراق !!! كأنك عابر من هالصوب لذاك الصوب في بغداد .. بعد عليمن حضرتك عندك Home Sick ؟أصلا لازم انت تكون Sick لانك بالضبط بنسخة محسنة من ال Home .. | |
|
لطفي الياسيني  معلومات إضافية
الأوسمة :  المشاركات : 80135 نقاط : 713946 التقييم : 313 العمر : 118 | | موضوع: رد: > > صديقي يكول اني بلندن و عندي Home Sick !!! > خوية رحمة لوالديك ، أشو : > الطبيب اللي يعالجك عراقي > طبيب ا الإثنين 16 أغسطس 2021 - 4:56 | |
| | |
|
