وحدات القياس !!!
سيف الدين الألوسي
وحدات القياس !!!
أزعج ما يمكن للشخص استيعابه !! ان يتم تغيير عاداته وما تعلم عليه ،، أزعج شي لدي كان ،، من أوجر سيارة في لندن ولمدة يوم او يومين وستيرن يمنه !!! يعني كمش عل التيغة بالعراقي !!! وكذلك في قبرص !!! الانكليز خالف تعرف !!!
كذلك وحدات قياس المسافات والحجوم كالميل ، وانا سكنت اميركا ثمان سنوات وأخربط بالمسافات والسرعة !! وعندما عملت لفترة سنتين في مكتب هندسي ، كان أكثر ما يزعج هو جداول الكميات ، والفوت المكعب وكم فوت مكعب في المتر المكعب الواحد ، والانج ، وووووو !!! همزين الوحدات القياسية الكهربائية موحدة ولو الڤولتية في اميركا ١١٠ مو ٢٢٠ ،،،، طبعا الغالون للبنزين اني متعود عليه ، لأن البانزينخانات ببغداد چانت تبيع بالغلن !! وكذلك الباينت للسوائل والعصائر لأنني متعود عليها !!!!! وكذلك المتسعات لا تزال فراد بس عند الكهرباء في العراق فريد او مايكرو فريد !!!! النانو متر هو اصغر وحدة قياس مترية ،، وهو نونو اسم على مسمى !!!
في زمننا هذا نحتاج الى وحدات قياس للواگة ، مثلا فلان يساوي ٤٠٠٠ لوگ وفلان ١/٢ لوگ او ٥٠٠ نانو لوگ ،،،، والاخير بس يصفك لا يلقي اشعار ولا يدبچ !!!!!!!!!طبعا عندنا أجهزة تشتغل على اللواگة لا تعد ولا تحصى وخصوصا للسياسيين ونجوم المجتمع الجديد ، والتجربة ومشاهدة القنوات التلفزيونية أكبر برهان !!!!!
كذلك نحتاج الى وحدات قياس لمعرفة المؤمنين بحق والنور الذي بوجههم ، والذين تحولوا بقدرة قادر الى علماء ووعاظ وعباقرة ورجال سياسة ،، ووحدة القياس شعة من اشعاع نور لهم ،، ففلان يملك الف شعة والاخر اقتصادي ١٠٠ شعة الخ !!
اما من هم لا يجاهرون بالايمان والدين ومظاهره وبليه لواگه !! ، فهم بلية لوگ وشعة وحياتهم وحدة قياسها شعواط !!! لانهم تشعوطوا من القهر والضيم والتفرج على افلام لا تنتهي ، وحتى ناسيهم بالاوجاغ !!!!
لكون العراق واهله هو المختبر والفرن ،،، فيمكن استعمال وحدات قياس لكل شئ في العراق ، ويردف مع كل عراقي وحدة قياس تعرفه مثل لوحات مختصرة للدول سابقا توضع على السيارات وكان يرمز للعراق IRQ ويعرفوا الشرطة في كل العالم من هذه العلامة كل سيارة تجوب العالم اصل السيارة ، وعندما كان العراقيون يفترون اوروبا بسياراتهم !!!!!!!!!!! وحدة القياس المقترحة ، من تاليها عاد !! تكون تالي !!!
مثلا عراقي لوگي مؤمن مسافر بسرعة ١٠٠ كم بالساعة ، تكون وحدة قياسه
١٠٠ تالي شعة لوگ / شعواط * كم بالساعة !!!!
ودمتم بخير جميعا .
المشاركات
نقاط
التقييم
موضوع: وحدات القياس !!! : سيف الدين الألوسي 
الأربعاء 22 نوفمبر 2023 - 0:38
