فين

فين

فين الماضي وحلاوته

فين القلب وشقاوته

راحت فين الحواري و الطرقات

و الجري في الظلمه مع الأولاد

و العقل الخالي من الآهات

أحضانك يا أمي راحت

مع الي راح

و القلب يا أمي

أنكسر و طاح

طول عمري يا أمي

بحب الناس

وقلبي ياأمي

انوجع وتعب الراس

خايف ياأمي أتغير

و أكون زي الناس

فين النخله قصاد البيت

و السهر و الحب جوه البيت

فين اخواتي البنات

و الخوف علي من الأهات

فين أبويا وشهامته

فين أبويا وطيابته

فين البكا في التراويح

وحلاوة العشاء مع التسابيح

و الناس في الفجر ضياء

و التواشيح للروح دواء

فين الست و جمالها

فين حليم و أهاته

فين الفن الأصيل

فين عبد الوهاب الجميل

فين اسماعيل ياسين

و الضحك من القلب

قبل العين

فين الفن الأصيل

فين الفن الجميل

راح يا أمي مع الي راح

الصدق يا أمي صار

عمله نادره

والكذب يا أمي

ريحته عايمه

رحلتي يا أمي

ورحلت بسمتي

رحلت يا بويا

ورحلت قوتي

شايفك يا أمي

قصاد عيني

ملاك حارث

بيرويني

كان نفسي أشوف

ولادي على ايديك

يشربوا من طهرك

ومن فيضك

فين يا أمي

الناس الطيبين

كنت أشوف حبهم

جوه العين

عقلي يا أمي

توقف مع الذكريات

أحزاني ودموعي

على كل ما فات

لولا احبابي الصغار

محمود ومحمد واحمد

وعبد الرحمن

وامهم كمان

لكان عقلي

وجسدي فان

وأشعاري في

طي النسيان

طلعت محمود

عندما تهرب الحروف
من نافذه الكلمات
أفتح معها
حدائق الجمل
وبساتين الحروف
لاضعها خجلى
امام المبدعين والرائعين
ولكن كل الذي أعددته
هرب كباقي الحروف
ولم يتبق منه
الا بعض محاولات
فحروفك كدفىء
شمس النهار
كخيط الفجر
عندما يستدل
على الدنيا
ينيرها ويملاؤها
إشراقا ونورا
جميل ما سطرت
وعذب ما كتبت
أدام الله لنا
نبض كلماتك
وتقبل ركاكه سطوري
ودمت بكل خير
باحترام ابي مازن
تلميذ الشعراء

الأب الروحي لشعراء الأمة
الدكتور لطفي الياسيني
شكرا لمرورك وجزاك الله خير