نعم صدام لسة الراية مرفوعة : الشاعر ابو سلطان العراقي

ماتنزل تظل الراية مرفوعة
وبكاعك زلم للموت مزروعة

ماميت ابد ياهو اليكول تموت
الدليل احجايتك للان مسموعة

وحك دمك واسمك عهد باقي وياك
سيف من الفرس باجر يسد جوعة

مجرد ذكر اسمك رعب بيهه يصير
وفلول الغزو من الاسم مفزوعة

اليخون الوطن يلكاها خل يخون
صفرة وجوهم والغيرة منزوعة

نعم يامعدنك ماجاسة ابد زنجار
عليك الوطن يبجي وسايلة دموعة

صرت منهج رجولة ودرس للتاريخ
وعرفنا الموتة لجل الوطن مشروعة

نعم من اخوتك صاغوا درس للجود
طارق هل اجاك براس مرفوعة

على نعشة رفع راية نصر واقدام
وظلت صورته على الغيم مرفوعة

نعم من النشامة الغنوا بطاريك
نعم صدام لسة الراية مرفوعة
نعم صدام لسة الراية مرفوعة

نعم غنوا باسمك كلهم يغنون
وغنى الوطن كلة جبالة وربوعة

عهد ياسيدي بنفس الدرب ماشين
يبقى الوطن قلعلة وصدورنا دروعة

حلم عدها الفرس ترجع تحط حكام
وظلمة يظل وطنة وطافية شموعة

مايدرون بعثك نور ماينزاح
ورفاقك لجل مجدة ارواح مبيوعة

نعم ياسيدي يافارس الفرسان
ماتنزل تظل الراية مرفوعة